पुरुषांमध्ये शुक्राणूंची संख्या कमी होण्याची समस्या सातत्याने वाढत आहे. गर्भधारणा न होण्यासाठी केवळ महिलाच नव्हे तर पुरुषही तितकेच जबाबदार आहेत. 40-45 टक्के प्रकरणांमध्ये पुरुष शुक्राणूंची संख्या कमी असल्यामुळे गर्भधारणा होऊ शकत नसल्याच्या तक्रारी घेऊन डॉक्टरांकडे पोहोचतात. (How to improve Sexual health) कमी शुक्राणूंची संख्या म्हणजे पुरुषाच्या वीर्यामध्ये कामोत्तेजनादरम्यान सामान्यपेक्षा कमी शुक्राणू असतात. पुरुष वंध्यत्व सहसा शुक्राणूजन्य समस्यांमुळे होते. (What are the signs symptoms treatment of infertility in males explained by doctor)
व्यस्त जीवनशैली, धुम्रपान आणि मद्यपान यासोबतच इतरही अनेक गोष्टी आहेत, ज्या पुरुष वंध्यत्वासाठी कारणीभूत आहेत. डॉ. शोभा गुप्ता (वैद्यकीय संचालक आणि IVF तज्ञ, मदर्स लॅप IVF सेंटर) म्हणतात की, अनेक अभ्यासातून असे आढळून आले आहे की आयटी उद्योगाशी संबंधित पुरुषांमध्ये शुक्राणूंची संख्या कमी असते. इतकेच नाही तर अति उष्ण तापमानात काम करणाऱ्या किंवा गरम पाण्यानं आंघोळ करणाऱ्या पुरुषांमध्येही वंध्यत्वाची समस्या वाढू शकते. परंतु जीवनशैलीत बदल करून ही स्थिती सुधारली जाऊ शकते. चला तर मग जाणून घेऊया पुरुष वंध्यत्वाची लक्षणे आणि ते टाळण्याचे उपाय. (Causes of infertility in males)
पुरुष वंध्यत्वाचे मुख्य लक्षण म्हणजे मूल होण्यास असमर्थता. काही प्रकरणांमध्ये, हार्मोनल असंतुलन, अंडकोषांभोवती पसरलेल्या शिरा किंवा शुक्राणूंच्या मार्गात अडथळा आणणारी स्थिती यामुळे पुरुष वंध्यत्वाची चिन्हे किंवा लक्षणे दिसू शकतात. येथे काही सामान्य लक्षणे आहेत ज्याकडे तुम्ही लक्ष दिले पाहिजे.
लैंगिक कार्याच्या समस्या
अंडकोषामध्ये वेदना
असामान्य स्तन वाढ
चेहऱ्याचे किंवा शरीराचे केस गळणे
सामान्य शुक्राणूंची संख्या कमी
चांगला आहार घ्या
ज्या पुरुषांमध्ये शुक्राणूंची संख्या कमी असते, त्यांना डॉक्टर प्रथम चांगला आहार घेण्याचा सल्ला देतात. चांगल्या आहारामध्ये व्हिटॅमिन सी आणि अँटिऑक्सिडंट्स समृद्ध असलेले अन्न समाविष्ट केले पाहिजे.
उन्हाळ्यात रोजच्या जेवणातील ४ पदार्थांमुळे होऊ शकतं फूड पॉयझनिंग, सावधान..
चांगली झोप घ्या
शक्य असल्यास, 8-10 तास झोपण्याचा प्रयत्न करा. अनेकांच्या बाबतीत, 3-6 महिन्यांत बरीच सुधारणा दिसून येते. याच्या मदतीने जोडप्यांना सहज गर्भधारणा करता येते. धुम्रपान आणि मद्यपान ही काही प्रमाणात वंध्यत्वाची कारणे आहेत. त्यामुळे त्यांना शक्यतो टाळण्याचा प्रयत्न करा.
वंध्यत्वाची तक्रार असल्यास पुरुषांनी घट्ट कपडे घालणे टाळावे
वाढत्या वजनामुळे पुरुषांमध्ये वंध्यत्वाची समस्याही दिसून येते. अशा स्थितीत पुरुषांनी आपल्या वजनावर नियंत्रण ठेवावे. एवढे करूनही गर्भधारणा सहज शक्य नसल्यास किंवा शुक्राणूंची कमतरता असल्यास इंट्रासाइटोप्लाज्मिक स्पर्म इंजेक्शन आणि मॉर्फोलॉजिकल पद्धतीने निवडलेल्या स्पर्म इंजेक्शन तंत्राद्वारे बाप होण्याचा आनंद मिळवता येतो. विज्ञानाने प्रगती केली असेल, पण जर तुम्हाला ही तंत्रे कृत्रिमरीत्या वापरायची नसतील तर प्रथमच जीवनशैलीत सुधारणा करा.