शारीरिक संबंधांबद्दल विचार येणं हे अगदी सामान्य आहे. (Sexual Health Tips) पण जर तुम्ही सेक्शुअल सुख मिळवण्यासाठी कोणत्याही पातळीवर जाण्याचा विचार करत असाल तर तुमची गणना हाइपरसेक्सुअल (hypersexual) असलेल्या लोकांमध्ये होऊ शकते. सतत असे विचार येणं काही काळानं गंभीर समस्येचं कारण ठरू शकतं. सेक्सबद्दल सतत विचार करणं तुमचं आरोग्य आणि आयुष्य दोन्हींवर परिणाम करतं. (Thinking too much about sex)
अमेरिकन सायकियाट्रिक असोसिएशनच्या डायग्नोस्टिक अँड स्टॅटिस्टिकल मॅन्युअल, फिफ्थ एडिशन (DSM 5) मध्ये हाइपरसेक्सुअलीटीला आजार म्हणून मान्यता नाही. जर्नल ऑफ बिहेवियरल अॅडिक्शननुसार, त्याचे वर्णन सतत लैंगिक इच्छा होणं, फँटेसिज म्हणून केले जाते.हायपरसेक्स्युएलिटीबद्दल सायकोथेरपिस्ट आणि लाइफ कोच सायमा खान यांनी हेल्थ शॉट्सशी बोलताना अधिक माहिती दिली.
जेव्हा तुम्ही सतत सेक्सबद्दल विचार करता आणि तुमच्या लैंगिक इच्छांवर नियंत्रण ठेवता येत नाही, तेव्हा या स्थितीला हायपरसेक्स्युएलिटी म्हणतात. अति लैंगिक इच्छांचा तुमच्या मानसिक आरोग्यावर परिणाम होतो. अशा परिस्थितीत ही चिंतेची बाब ठरू शकते. या समस्येने वेढलेले असल्यास तुम्ही कोणत्याही कामावर किंवा इतर कामांवर लक्ष केंद्रित करू शकणार नाही.
हायपर सेक्शुअ‍ॅलिटीची लक्षणं
१) यामुळे तणाव निर्माण होऊ शकतो.२) यामुळे चिंता वाढू शकते.३) कोणत्याही कामात लक्ष लागत नाही.४) तुमच्या नात्यात दुरावा येऊ शकतो.
हायपर सेक्शुअ‍ॅलिटीची लक्षणं
जेव्हा अतिलैंगिकतेचा विचार केला जातो तेव्हा लैंगिक वर्तनाशी संबंधित अनेक लक्षणे दिसतात. पॉर्न पाहणे किंवा भरपूर हस्तमैथुन करणे ही लक्षणे आहेत. आणखी काही चिन्हे आहेत जी सूचित करतात की तुम्ही अतिलैंगिकतेशी संघर्ष करत आहात.
तुम्ही सतत लैंगिक कल्पनांनी वेढलेले आहात ज्या तुमचा बहुतेक वेळ व्यापतात आणि विचार तुमच्या नियंत्रणात नाहीत. तुम्ही तुमच्या लैंगिक कल्पना किंवा वर्तन कमी करण्याचा किंवा नियंत्रित करण्याचा प्रयत्न केला आहे, परंतु अयशस्वी झाला आहात. तर तुम्हाला हेल्दी संबंध ठेवण्यात अडचण येऊ शकते. तज्ञांच्या मते, जर तुम्हाला तणाव, नैराश्य, एकटेपणा वाटत असेल तर तुम्ही डॉक्टरांचा सल्ला घ्यावा.
जर तुम्हाला आरोग्य तज्ञाशी संपर्क साधण्याची गरज वाटत असेल तर तुम्ही तत्काळ तसे करावे. मानसशास्त्रज्ञाकडून समुपदेशन केल्याने तुम्हाला समस्येचे निराकरण करण्यात मदत होऊ शकते. या समस्यांमुळे तुम्ही चिंताग्रस्त किंवा नैराश्यग्रस्त असाल, तर तुम्हाला औषधे घेण्याचाही सल्ला डॉक्टरांकडून दिला जातो.