दिवाळीत आपण मोठी माणसं ज्या पद्धतीने नटतो, छान तयार होतो, तसंच आपल्या लहान मुलांनीही व्हावं, अशी अनेक पालकांची अपेक्षा असते. अर्थात त्यात काही गैरही नाही. म्हणूनच तर मग पालक मोठ्या हौशीने त्यांच्या मुलांसाठी महागडे कपडे खरेदी करतात. पण मुलं मात्र ते कपडे टोचतात (etching to children because of clothes?) म्हणून अंगाला लावायलाही नाही म्हणतात. पालकांनी रागावल्यावर, चिडल्यावर बळेबळेच एखादा तास अंगावर ठेवतात, पण त्यानंतर मात्र ते कपडे त्यांना मुळीच नको असतात. मुलांनी असं केल्यावर एवढे मोठे पैसे वाया गेल्याचंही सारखं वाईट वाटतं. म्हणूनच मुलांसाठी जेव्हा असे फेस्टिव्ह कपडे घ्याल (How to choose perfect festive dress for children?), तेव्हा या काही गोष्टी नक्कीच लक्षात ठेवा.
मुलांसाठी कपडे घेताना...१. काॅटन किंवा सिल्क कॉटनमुलांसाठी जे कपडे घ्याल, त्याचा कपडा एकदा तपासून पहा. शक्यतो झगमग कपडे मुलांसाठी घेऊच नका.
"एक कप चहा.." अशी ओरडून उद्धटासारखी ऑर्डर द्याल तर.. कॅफे मालकाने पहा काय लावलाय बोर्ड
त्याऐवजी कॉटन किंवा सिल्क कॉटन या प्रकारात उपलब्ध असणारे मऊसर कपडे घ्या. असे कपडे धुतल्यानंतर आणखीनच मऊ पडतात.
२. वर्क असणारे कपडे टाळावर्क असणारे कपडे घेताना आपण असा विचार करतो की वर्क तर बाहेरून आहे, मुलांना याचा त्रास होणार नाही.
पण कपड्याच्या बाहेरच्या भागात जरी वर्क असलं तरी ते प्रत्येकवेळी हातांना, पायांना टोचतं. गळ्याजवळ, काखेत जर वर्क असेल, तर ते मुलांना हमखास त्रास देतंच. त्यामुळे कपड्यावर वर्क नेमकं कुठे आहे आणि ते मुलांच्या अंगाला कुठे लागू शकतं, हे एकदा तपासून बघा.
३. कपड्याची शिलाईकपड्यावर जिथे शिलाई असते, तो भाग आतून असतो. या भागात जर काही दोरे, धागे किंवा ड्रेसच्या बाहेरून जे वर्क असते, त्याचा जो भाग आत मुडपलेला असतो, त्यानेही मुलांना त्रास होतो. त्यामुळे ड्रेस उलट करून एकदा त्याची शिलाई कशी आहे, हे बघायलाही विसरू नका.