एअर हॉस्टेस आपल्याला विमानात विविध प्रकारच्या सर्व्हीस देत असल्या तरी त्यांच्याकडेही बरेच टॅलेंट असते. आपले हेच टॅलेंट लोकांपर्यंत पोहोचावे यासाठी उमा मिनाक्षी ही एअर हॉस्टेस नेहमी काही ना काही सादर करुन ते सोशल मीडियावर अपलोड करत असते. उमा मिनाक्षी ही स्पाईस जेटची एअर हॉस्टेस असून ती सोशल मीडीयावर बरीच अॅक्टीव्ह असते. आपल्या चाहत्यांना काही ना काही करुन सरप्राईज देत त्यांना खूश करण्याचे काम मिनाक्षी करत असते. इन्स्टाग्रामवर मिनाक्षीचे ९ लाख २१ हजार फॉलोअर्स असून तिने एखादी पोस्ट केली की त्याला या फॉलोअर्सचा मोठा प्रतिसाद मिळतो. मिनाक्षीने नुकताच आपला एक व्हिडिओ आपल्या इन्स्टाग्राम अकाऊंटवर अपलोड केला आहे. तिचा डान्स नेटीझन्सचे लक्ष वेधून घेणारा ठरत आहे (Air Hostess Dance Viral Video Uma Meenakshi).
आता मिनाक्षी छम्मा-छम्मा या अतिशय गाजलेल्या गाण्यावर डान्स करताना दिसत आहे. यावेळी ती एका बाल्कनीमध्ये असल्याचे दिसते. त्याठिकाणी नुकताच पाऊस पडून गेल्याने खाली ओले असल्याचेही दिसते. मिनाक्षीने हिरव्या रंगाचा शॉर्ट ड्रेस घातला असून त्यावर तिने स्पोर्ट शूज घातले आहेत. म्हणजे कदाचित ती कुठेतरी आऊटींगला गेली असावी असे तिच्या कपड्यांवरुन वाटते. यावेळी ती करत असलेले हावभाव आणि तिची एनर्जी अतिशय कौतुकास्पद आहे. नेटीझन्सनी हा व्हिडिओ मोठ्या प्रमाणात लाईक केला असून या व्हिडिओला २ दिवसांत ३० हजारांहून अधिक लाईक्स मिळाले आहेत. तर अनेकांनी तिचे या डान्ससाठी प्रतिक्रिया देत कौतुक केले आहे. तर ‘हाये मेरा दिल चुराके ले गया...’या गाण्यावरही तिने काही तासांपूर्वीच एक डान्सचा व्हिडिओ अपलोड केला आहे. सध्या इन्स्टाग्रामवर रील्सचे बरेच फॅड असताना एअर हॉस्टेसही आपल्या कामातून वेळ काढत त्या स्वत:ला आनंदी ठेवायचा प्रयत्न करत असल्याचेच यातून दिसून येते.
उमा हिने अशाप्रकारचा व्हिडिओ अपलोड करायची ही काही पहिलीच वेळ नाही. तर याआधीही तिने काही डान्स किंवा रील्स आपल्या इन्स्टाग्राम अकाऊंटवर शेअर केले होते आणि त्यासाठी तिची वाहवा ही करण्यात आली होती. याआधी ‘नवराई माझी लाडाची लाडाची गं,....’ या गाण्यावर ठेका धरला होता, तर काही दिवसांपूर्वीच त्यांनी ‘गलतीसे गलती की...झक मारके...’ या गाण्यावर केलेला डान्सही सोशल मीडियावर व्हायरल झाला होता. देसी बॉईज या चित्रपटातील झक मारके, कच्चा बदाम...च्या ट्रेंडच्या वेळीही तिने आपले सादरीकरण केले होते.