भारतातच नाही तर जगभरात जिचे फॅन्स आहेत अशी ऐश्वर्या राय वयाच्या ५० व्या वर्षीही तितकीच सुंदर दिसते. मिस वरर्ल्डचा किताब पटकावलेल्या ऐश्वर्याच्या सौंदर्यावर चाहते नेहमीच घायाळ असतात. विशेष म्हणजे मेकअप न करताही तिचे सौंदर्य खुलते त्यामुळे तिच्या सौंदर्याची इतर कोणत्याही अभिनेत्रीसोबत तुलनाच होऊ शकत नाही. ऐश्वर्याचे वेगवेगळ्या ठिकाणचे फोटो नेहमी सोशल मीडियावर व्हायरल होत असतात. कधी फॅमिली फंक्शनमधील तर कधी कान्स चित्रपट महोत्सवाच्या रेड कार्पेटवरील. पण सगळ्या ठिकाणी ऐश्वर्या तितकीच सुंदर दिसत असल्याचे आपण पाहतो. इतकेच नाही तर ऐश्वर्याचा आणखी एक फोटो नुकताच सोशल मीडियावर व्हायरल झाला आहे. हा फोटो बराच जुना असल्याचे त्यावरुन दिसत आहे. मात्र त्यातही ती तितकीच सुंदर दिसत आहे.
अभिनेत्री पूर्वी कशा दिसायच्या याबाबत आपल्याला कायमच उत्सुकता असते. नुकताच करीनानेही तिच्या कॉलेज डेजमधला एक फोटो सोशल मीडियावर शेअर केला होता आणि तो मोठ्या प्रमाणात व्हायरलही झाला होता. ऐश्वर्याचा हा व्हायरल झालेला फोटो म्हणजे दुसरे-तिसरे काही नसून तिचा पासपोर्ट आहे. हा फोटो सोशल मीडियावर व्हायरल झाल्यापासून त्यावर बरीच चर्चा सुरू आहे. हा फोटो पाहून चाहते आश्चर्यचकीत झाले आहेत. याचे कारण म्हणजे आपले फोटो एरवी कितीही चांगले येत असले तरी सरकारी कागदपत्रांवरील फोटो अजिबात चांगले नसतात. अनेकदा आधार कार्ड किंवा लायसन्स यावरील आपले फोटो ओळखूही येत नाहीत. कागदपत्रांसाठी फोटो देताना आपण एखाद्या स्टुडिओमध्ये जाऊन पासपोर्टसाठी खास फोटो काढून घेतो. मात्र ते फोटो म्हणावे तितके चांगले येतातच असे नाही.
पण ऐश्वर्याच्या बाबतीत असे काहीच घडले नाही. कारण पासपोर्टवर असलेल्या फोटोमध्येही ऐश्वर्या तितकीच सुंदर दिसत असल्याचे चाहत्यांचे म्हणणे आहे. चाहते म्हणतात, हा जगातील एकमेव असा पासपोर्ट आहे ज्यावर कोणाचा तरी फोटो इतका सुंदर आहे. त्यामुळे हा फोटो चांगलाच व्हायरल होत आहे. इन्स्टाग्रामवर फिटलूक मॅगझिन या पेजवरुन हा फोटो शेअर करण्यात आला आहे. हा पासपोर्ट जुना असून २००६ ते २०१६ या काळातील असल्याचे त्यावरील तारखांवरुन स्पष्ट होत आहे. ऐश्वर्या सध्या चित्रपटसृष्टीपासून काहीशी दूर आहे. याबाबत ती सांगते सध्या तिचे प्राधान्य हे तिचे कुटुंब आणि तिची मुलगी असल्याने तिला त्यावर लक्ष केंद्रित करायचे आहे.