(Image Credit- Pinkvilla)
बॉलिवूड अभिनेत्री श्रद्धा कपूर (Shraddha Kapoor) नेहमीच आपल्या स्टाईलिश लूकमुळे चर्चेत असते. तिचा साधेपणा आणि सौंदर्य अनेकांना घायाळ करते. सोशल मीडियावर श्रद्धाचे लाखो फॉलोअर्स असून तिच्या प्रत्येक फोटोला आणि व्हिडीओला चाहत्यांचा उदंड प्रतिसाद मिळतो. श्रद्धा कपूरचा एअरपोर्टवरचा व्हिडीओ सध्या तुफान व्हायरल होत आहे. पिंकव्हिलानं आपल्या अधिकृत इंस्टाग्रामवरून या संदर्भातील एक व्हिडीओ पोस्ट केला आहे. (Shraddha kapoor's crazy fan given a special gift to her)
या व्हिडीओमध्ये तुम्ही पाहू शकता श्रद्धा तिच्या चाहत्यासोबत उभी आहे. श्रद्धा विमानतळावर येताच तिचा एक चाहता समोर येतो आणि तिची विचारपूस करतो. ज्यावेळी श्रद्धा त्याला आपण कुठून आलात, असं विचारते तेव्हा तो कोल्हापूरवरून आल्याचं सांगतो. तसेच हातातील गिफ्टही तो श्रद्धाला देतो.
श्रद्धाबरोबर तिचे वडील शक्ती कपूरही यावेळी विमानतळावर उपस्थित होते. चाहत्याची त्यांनी प्रेमाने विचारपूस केली. श्रद्धानं तिच्या चाहत्यासह ज्या पद्धतीनं संवाद साधला ते पाहून सोशल मीडिया युजर्स कौतुकाचा वर्षाव करत आहेत. तर कोल्हापूरचा गिफ्ट देणारा चाहताही प्रचंड चर्चेत आहे. त्यानं श्रद्धाला कोल्हापूरी चप्पल भेट म्हणून दिल्याचं दिसून आलं आहे. यावेळी श्रद्धानं सिंपल पांढरी बॅग कॅरी केली होती.
दे धपाधप! भर मंडपात जोडप्याची सुरू झाली फ्री स्टाईल मारामारी; कारण ठरला तोंडावर फेकलेला रसगुल्ला
श्रद्धा कपूर ही बॉलिवूडमधील सर्वाधिक मानधन घेणाऱ्या अभिनेत्रींपैकी एक आहे. श्रद्धाने चित्रपट, मॉडेलिंग आणि जाहिरातींमध्ये काम करून करोडोंची संपत्ती कमावली आहे. मीडिया रिपोर्ट्सनुसार, श्रद्धा कपूरची एकूण संपत्ती 57 कोटी आहे. याशिवाय श्रद्धा कपूरकडे जगातील सर्वात महागड्या वाहनांचा संग्रह आहे. यामध्ये 80 लाख रुपयांची ऑडी Q7, सुमारे 2 कोटी रुपयांची BMW 7 आणि 1 कोटी रुपयांहून अधिक किमतीची मर्सिडीज-बेंझ जीएलई यांचा समावेश आहे.