सैफ अली खान (Saif Ali Khan ) आणि अमृता सिंग (Amruta Singh) यांची कन्या सारा अली खान हिचा 'अतरंगी रे' (Atarangi re) हा चित्रपट लवकरच प्रदर्शित होणार आहे. चित्रपट प्रदर्शित होण्याआधीच त्यातले 'चका चक' हे गाणे मात्र भलतेच हिट झाले आहे. गाण्याचे बोल अतिशय बोल्ड तर आहेतच पण त्यासोबच साराचा या गाण्यावरचा डान्सही अतिशय जबरदस्त आहे. ए. आर. रेहमान (A. R. Rehman) आणि श्रेया घोषाल (Shreya Ghoshal) यांनी हे गाणे गायले आहे. दोन्ही हात वर करून एकमेकांत गुंफायचे आणि त्यानंतर दोन्ही बाजूने एका नंतर एक ठुमके मारायचे ही त्या गाण्याची सिग्नेचर स्टेप... ही स्टेप करून बघण्याचा मोह आता नुकताच एका हवाई सुंदरीलाही झाला आहे....
'चका चक'(chaka chak song) या गाण्याची सध्या सोशल मिडियावर (social media) चांगलीच चर्चा आहे. सारा तर जिथे- तिथे या गाण्यावर डान्स करताना दिसतेच आहे.. पण तिच्यासोबत माधुरी दिक्षित, रणवीर सिंग आणि इतरही अनेक स्टार्स या गाण्यावर थिरकताना दिसले आहेत. अनुपमा मालिका फेम रुपाली गांगुली हिलाही 'चका चक' वर डान्स करण्याचा मोह झाला. तिने तिचा हा व्हिडियो सोशल मिडियावर शेअर केला असून त्यालाही भरपूर लाईक्स आणि कमेंट्स मिळाले.
यानंतर आता हवाई सुंदरी उमा मिनाक्षी हिने या गाण्यावर डान्स केला असून तिने तिचा व्हिडियो इन्स्टाग्रामवर (instagram) शेअर केला आहे. विमानात दोन्ही बाजूच्या सीट रोच्या मध्यभागी असलेल्या जागेत तिने हा डान्स केला आहे. काही दिवसांपुर्वीच एका हवाई सुंदरीने 'मनिके मागे हिते...' या लोकप्रिय गाण्यावर ठेका धरला होता. आता असाच प्रयोग उमाने केला असून तिचा हा डान्स सोशल मिडियावर हजारो लाईक्स आणि कमेंट्स मिळविणारा ठरला आहे. Haaye Chaka Chak Hoon Main 🥰 still Chaka chak after the fligh.... अशी झकास कॅप्शनही तिने या व्हिडियोला दिली आहे. अतिशय आनंदाने आणि स्वत:ला विसरून ती आपला डान्स एन्जाॅय करताना दिसते आहे....