वडा, भजी-पाव, पॅटीस असे पदार्थ समोर दिसताच तोंडाला पाणी सुटतं. रस्त्यावर तुम्हाला असे चटपटीत, तोंडाला पाणी सोडणारे पदार्थ खूपदा दिसतात. सध्या सोशल मीडियावर भजी विक्रेत्या काकांचा खतरनाक स्टंट व्हिडिओ व्हायरल होत आहे. असा व्हिडीओ तुम्ही याआधी कधीही पाहिला नसेल. पकोडे तळताना उकळत्या गरम तेलात हात बुडवणाऱ्या स्ट्रीट फूड विक्रेत्याचा व्हिडिओ पाहून सोशल मीडिया वापरकर्त्यांना धक्काच बसला.
मुंबईतील एका फूड ब्लॉगरने विक्रेत्याचा व्हिडिओ रेकॉर्ड केला आणि तो इंस्टाग्रामवर पोस्ट केला. लहान क्लिप सोशल मीडियावर 1 दशलक्षाहून अधिक व्ह्यूजसह व्हायरल झाली आहे. गरम तेलााचा एक थेंब जरी उडाला तरी त्रासदायक फोड येतात, जळजळ होते. अशा स्थितीत या काकांनी सहजरित्या हात तेलात कसा टाकला असा प्रश्न सगळ्यांनाच पडलाय.
व्हिडिओमध्ये जयपूरमधील स्ट्रीट फूड विक्रेता किसन पकोडे वाला नावाच्या रस्त्याच्या कडेला असलेल्या स्टॉलवर पकोडे तळताना दिसत आहे. आधी त्यानं गरम तेलात पकोडे टाकले आणि मग हात बुडवून ब्लॉगरला दाखवले. आश्चर्याची गोष्ट म्हणजे हे सगळं करताना त्यांच्या चेहऱ्यावर कोणतीच भीती दिसत नव्हती. सोशल मीडिया युजर्सनी या व्हिडीओवर आश्चर्यकारक कमेंट्स केल्या आहेत.