जेव्हापासून कोरोना व्हायरसचा प्रकोप सुरू झाला तेव्हापासून ते तंत्रज्ञान आपल्या अधिकच जवळ आले आहे. अशा परिस्थितीत जेव्हा आपण मागे वळून पाहतो तेव्हा आपल्याला असे अनेक मजेदार व्हिडिओ पाहायला मिळतात, जे पाहून कोणालाही हसू आवरत नाही. स्कायवेस्ट एअरलाइन्समध्ये फ्लाइट अटेंडंट म्हणून नोकरी मिळवण्याच्या प्रयत्नात असताना अलीकडेच एका महिलेला असाच अनुभव आला. ती जे काही बोलत आहे ते कॅमेऱ्यात रेकॉर्ड होत आहे हेही महिलेला माहीत नव्हते. ( Woman disastrous job interview experience goes viral see here video)
शैलीन मार्टिनेझने तिच्या एका मुलाखतीच्या व्हिडिओमध्ये कंपनीवर टिका करायला सुरूवात केली. आता तिची तीच मुलाखत व्हायरल होत आहे. मिरर ऑनलाइनच्या वृत्तानुसार, @chayjordan_ TikTok हँडल वापरणारा मार्टिनेझ स्कायवेस्ट एअरलाइन्सला दिलेल्या मुलाखतीदरम्यान विचारलेल्या प्रश्नांची खिल्ली उडवताना दिसत आहे.
तिला विचारण्यात आले, "स्कायवेस्ट कंपनीच्या संस्कृतीबद्दल तुमचे काय मत आहे आणि ते तुमच्याशी कसे जुळते?" व्हिडिओमध्ये ती फोनवर कोणालातरी सांगताना दिसत आहे की, ''हा माझ्या आयुष्यात विचारलेला सर्वात मूर्ख प्रश्न आहे". दुर्दैवाने, तिचे शब्द व्हिडिओमध्ये रेकॉर्ड केले जातात त्याची तिला कल्पना नसते.
मार्टिनेझ लिपग्लॉस लावून फोनवर बोलत राहिली. तिने सांगितले की स्कायवेस्ट कंपनीच्या संस्कृतीबद्दल तिचा समज कंपनीच्या मिशन स्टेटमेंटवर आधारित होता हे तिला दाखवायचे होते. अचानक, तिला जाणवले की तिचे उत्तर आधीच रेकॉर्ड केले जात आहे आणि ती आश्चर्यचकीत झाली.
मार्टिनेझ कॅमेराकडे पाहण्यापूर्वी म्हणाली, "मला माफ करा, मला माहित नव्हते की हे रेकॉर्डिंग आहे, मी सराव करत होते." यानंतर तिनं अचानक व्हिडिओ बंद केला. फुटेजच्या कॅप्शनमध्ये, मार्टिनेझने स्पष्ट केले, "व्हिडिओ मुलाखतीत तुम्हाला योग्य असण्याची फक्त एक संधी मिळते... चुकून लवकर रेकॉर्डिंग सुरू केले."
डेली मेलमधील वृत्तानुसार, मार्टिनेझकडे प्रश्नाचे उत्तर देण्यासाठी फक्त एक मिनिट होता आणि ती आणखी काही बोलण्यापूर्वीच तिचा वेळ संपला होता. इन्स्टाग्रामवर या व्हिडिओवर अनेकांनी आपल्या प्रतिक्रिया दिल्या आहेत. एका यूजरने तर कमेंट केली की, 'आता संपूर्ण जगाला तिचा खरा चेहरा कळला आहे. आता तिला कोणी कामावर घेणार नाही. पण त्याला दुसर्‍या युजरनं विरोध केला, तो म्हणाला, "मला तसे वाटत नाही." ऑनलाइन नोकरीच्या मुलाखती घेणार्‍या प्रत्येकासाठी मार्टिनेझचा अनुभव एक सुचना असू शकतो.