गुरुवारी आनंद विहार मेट्रो स्टेशनवर एका 22 वर्षीय महिलेने महिला CISF कर्मचारी आणि इतर महिला प्रवाशांच्या मदतीने एका मुलाला जन्म दिला. प्लॅटफॉर्म क्रमांक तीनवर मेट्रोची वाट पाहत उभ्या असलेल्या महिलेला प्रसुती वेदना उद्भवल्याची घटना दुपारी ३.२५ च्या सुमारास घडली. शिफ्ट इनचार्जच्या सूचनेवरून सीआयएसएफ कॉन्स्टेबल अनामिका कुमारी तातडीने घटनास्थळी पोहोचल्या. इतर महिला प्रवाशांच्या मदतीने त्यांनी प्रसूती झालेल्या महिलेला प्लॅटफॉर्मवरच बाळंतपणासाठी मदत केली. (Woman had labor pain at anand vihar metro station cisf team came for delivery of child)
एका ट्विटमध्ये CISF नं लिहिले की, 'CISF जवानांच्या तत्पर प्रतिसादामुळे आनंद विहार ISBT मेट्रो स्टेशनवर प्रसूती वेदनांनी ग्रस्त असलेल्या महिलेला आपत्कालीन प्रसूतीमध्ये मदत झाली. नवजात बालकासह आईला रुग्णालयात हलवण्यात आले. दुपारी 3.25 वाजता आनंद विहार मेट्रो स्टेशनच्या प्लॅटफॉर्म क्रमांक 3 वर मेट्रोची वाट पाहत असताना एका महिला प्रवाशाला प्रसूती वेदना झाल्या.'
तेथे तैनात असलेल्या सीआयएसएफच्या जवानांनी शिफ्ट प्रभारींना या प्रकरणाची माहिती दिली. महिलेला बाळंतपणासाठी मदत करण्यासाठी दलातील महिला कॉन्स्टेबल अनामिका कुमारी यांना तातडीने घटनास्थळी पाठवण्यात आले. डिलिव्हरीनंतर आई आणि बाळाला रुग्णालयात पाठवण्यात आले.
काही वेळातच आई आणि तिच्या नवजात बाळाला रुग्णवाहिकेद्वारे जवळच्या रुग्णालयात हलवण्यात आले. महिलेने आणि तिच्या पतीने सीआयएसएफ जवानांना त्यांच्या तत्पर प्रतिसादासाठी आणि कठीण काळात आवश्यक असलेल्या मदतीबद्दल आभार मानले, असे निवेदनात म्हटले आहे.
नसांमध्ये साचलेलं घातक कोलेस्ट्रॉल कमी करतात ५ पदार्थ; गंभीर आजारदूर ठेवण्यासाठी आजपासूनच खा
सीआयएसएफला दहशतवादविरोधी संरक्षण देण्यासाठी राष्ट्रीय राजधानी क्षेत्रामध्ये दिल्ली मेट्रो नेटवर्कमध्ये तैनात करण्यात आले आहे. देशभरातील विमानतळ आणि रेल्वे स्थानकांच्या सुरक्षेची जबाबदारीही सीआयएसएफकडे सोपवण्यात आली आहे.