सर्वाधिक भारतीयांच्या घरी सकाळच्या नाश्त्याला पोहे (Poha) खाल्ले जातात. कांदा पोहे, बटाटा पोहे असे पोह्यांचे अनेक प्रकार आहेत. रोजच्या नाश्त्याला पोहे खाण्याचे अनेक फायदे आहेत. आजकाल बेली फॅट कमी करण्याच्या, वजन कमी करण्याच्या प्रयत्नात अनेकजण असतात. (Is Poha Good For Weight loss?) अशावेळी काय खायचं, काय टाळायचं याबद्दल संभ्रम असतो. वजन कमी करत असताना नाश्त्याला पोहे खावेत की नाही याबाबत डॉ. स्नेहल अडसूळ यांनी आपल्या इंस्टाग्राम पोस्टवरुन अधिक माहिती दिली आहे.(Does poha make you gain weight)
त्यांच्यामते आपल्या आहारात पोहे ही एक उत्तम भर आहे. हे आरोग्यदायी, सोयीस्कर आणि बनवायला सोपे, स्वस्त आणि चवीला खूप छान आहे. फक्त एक गोष्ट म्हणजे जेव्हा वजन कमी करण्याचा विचार येतो तेव्हा तुम्हाला हे सुनिश्चित करणे आवश्यक आहे की तुम्ही आहारात वेगवेगळ्या पदार्थांचा समावेश करत आहात. आहारात इतर डाएटचे पदार्थ असतील तर तुम्ही पोहे निश्चिंतपणे खाऊ शकता. (Is Poha good for weight loss? Nutritional facts to know)
पोहे हे पौष्टिक जेवण आहे. हे कर्बोदकांचे चांगले स्त्रोत आहे, लोहाने भरलेले आहे. भरपूर फायबर, अँटिऑक्सिडंट्स आणि आवश्यक जीवनसत्त्वे यांचा चांगला स्रोत आहे आणि ग्लूटेन-मुक्त आहे. पण याचा अर्थ हा नाही की तुम्ही जास्त प्रमाणात पोहे खायचे. योग्य प्रमाणात पोहे खाल्ल्यानं तुम्हाल पुरेपूर फायदे मिळतील. पोह्यात चरबी वाढवणारे कोणतेही घटक नाहीत.
कोणत्याही विशिष्ट अन्नामध्ये शरीरात एक्स्ट्रा चरबी बनवण्याची ताकद नसते. तुमचा एकूण आहार महत्त्वाचा आहे. त्यामुळे तुम्ही तुमची आहार योजना अशा प्रकारे बनवा की त्यात तुम्ही पोहे समाविष्ट करू शकता आणि तरीही वजन कमी करू शकता. पोहे प्रथिने समृद्ध किंवा अधिक परिपूर्ण करण्यासाठी, तुम्ही सोयाचे तुकडे, भाज्या घालू शकता किंवा तुम्ही ते स्प्राउट्स किंवा अंड्याच्या पांढऱ्या भागासह खाऊ शकता.