Fenugreek seeds for Weight Loss : वाढलेल्या वजनामुळं जास्तीत जास्त महिला चिंतेत असतात. वजन वाढणं ही एक मोठी गंभीर समस्या बनली आहे. कारण एकदा जर वजन वाढलं तर कमी करणं काही सोपं काम नाही. वजन कमी करण्यासाठी लोक वेगवेगळे उपाय करतात. पण यातून सगळ्यांनाच फायदा होतो असं नाही. वजन कमी करण्यासाठी बरेच लोक मेथीच्या दाण्यांची मदत घेतात. पण अनेकांना मेथीच्या वापराची योग्य पद्धत माहीत नसते. मेथीच्या दाण्यांचा योग्य पद्धतीनं वापर केला तर वजन कमी करण्यास मदत मिळेल. अशात आम्ही तुम्हाला मेथीच्या वापराची योग्य पद्धत सांगणार आहोत.
मेथीच्या दाण्याचे फायदे
मेथीच्या दाण्यांमध्ये अनेक औषधी गुण असतात. वेगवेगळ्या उपचारासाठी मेथीचा वापर केला जातो. मेथीचा वापर त्वचेची आणि केसांची काळजी घेण्यासाठीही केला जातो. यात फायबर, प्रोटीन, व्हिटॅमिन आणि मिनरल्स भरपूर प्रमाणात असतात. यानं पचन तंत्र मजबूत होतं, भूक कंट्रोल होते आणि शरीरातील चरबीही कमी होते.
मेथीच्या दाण्यांचा कसा कराल वापर?
१) मेथीच्या दाण्यांचं पाणी
रात्री १ ते २ चमचे मेथीचे दाणे पाण्यात भिजवून ठेवा. सकाळी रिकाम्या पोटी हे दाणे चावून खा आणि पाणी प्या. यानं पचनक्रिया सुधारते आणि नियमितपणे हा उपाय केल्यास वजनही कमी होतं.
२) मेथीच्या दाण्यांचा चहा
एक ग्लास पाण्यात १ चमचा मेथीचे दाणे टाकून ५ ते ७ मिनिटं उकडून घ्या. हे पाणी गाळून त्यात लिंबाचा रस आणि थोडं मध टाका. या चहानं मेटाबॉलिज्म बूस्ट होतं. त्यामुळे वजन कमी होतं.
३) मेथीचं पावडर
मेथीची दाणे धुवून नंतर वाळवून त्यांचं पावडर तयार करा. हे पावडर रोज सकाळी कोमट पाण्यात टाकून पिऊ शकता. या पावडरच्या पाण्याचं मदतीनं पोटावरील चरबी कमी करण्यास मदत मिळेल.
४) डिटॉक्स ड्रिंक
मेथीचे दाणे, आले आणि लिंबाचा रस टाकून ड्रिंक तयार करा. हे ड्रिंक नियमितपणे प्यायल्यास शरीरातील विषारी तत्व बाहेर पडतात आणि वजन कमी करण्यास मदत मिळते.
मेथीच्या दाण्यांचे इतर फायदे
बद्धकोष्ठता होईल दूर
मलावरोध म्हणजेच बद्धकोष्ठता ही एक अशी समस्या आहे जी सामान्य वाटत असली तरी ज्या व्यक्तीला याचा त्रास होतो त्याचा जीव अगती मेटाकुटीस आलेला असतो. जर या त्रासापासून तुम्हाला मुक्त व्हायचं असेल त्यांच्यासाठी आज आम्ही काही घरगुती उपाय सांगणार आहोत, ज्यामुळे लगेच आराम मिळेल.
शरीरातील वेदना आणि थकवा
जर तुमच्या शरीराच्या एखाद्या अवयवामध्ये वेदना होत असेल किंवा तुम्हाला सतत जास्त थकवा जाणवत असेल तर तुम्ही २ ते ३ ग्रॅम मेथीचे दाणे घ्या आणि तेवढंच जिरं घ्या. या दोन्ही गोष्टी तुम्ही दुधात टाकून चांगल्या उकडू द्या. या दुधाचं सेवन केल्याने तुमच्या या समस्या दूर होतील.
वजन होईल कमी
ज्या लोकांचं वजन वाढलेलं असतं त्यांना वेगवेगळ्या आजारांचा धोका असतो. अशात जर तुम्हाला वजन कंट्रोल करायचं असेल तर उकडलेल्या मेथीच्या दाण्याच्या पाण्यात एक चिमtटभर सूंठ पावडर टाकून सेवन करा. याने तुम्हाला वजन कमी करण्यास मदत मिळेल.