सांगलीत गीतगायन स्पर्धेत ३० विद्यार्थी सहभागी

सांगली : येथील विलिंग्डन महाविद्यालयात ऑनलाइन राज्यस्तरीय आंतरमहाविद्यालयीन देशभक्तीपर गीतगायन स्पर्धा आयोजित करण्यात आली होती. या ऑनलाइन राज्यस्तरीय गीतगायन स्पर्धेसाठी महाराष्ट्रातून ४० विद्यार्थ्यांनी नोंदणी केली होती. प्रत्यक्ष स्पर्धेसाठी ३० विद्यार्थी सहभागी झाले होते.

या गीतगायन स्पर्धेचे परीक्षण संगीततज्ज्ञ अभय मराठे (पुणे), अनघा नवरे (मिरज), प्राचार्या डॉ. मानसी गानू (सांगली) यांनी केले. महाविद्यालयाचे

प्राचार्य डॉ. भास्कर ताम्हनकर यांनी स्वागत केले. प्रथम क्रमांक साक्षी हेब्बाळकर, द्वितीय धनश्री जोशी, तृतीय आस्था ओगले, उत्तेजनार्थ उत्तरा देशपांडे, दर्शन गुजराथी यांनी यश मिळवले. या स्पर्धेचे संयोजन डॉ. नेहा जोशी, डॉ. शीतल गोर्डे-पाटील आणि महाविद्यालयातील सांस्कृतिक विभाग सदस्य यांनी केले. साहिल कांबळे आणि मानसी चाचड यांनी सूत्रसंचालन केले.