मणदूर आरोग्य केंद्रात रुग्णवाहिका दाखल

लोकमत न्यूज नेटवर्क

वारणावती : मणदूर (ता. शिराळा) प्राथमिक आरोग्य केंद्रात रुग्णवाहिका दाखल झाली. त्यामुळे डोंगरकपारीतील वाड्या-वस्त्यांवरील लोकांची सोय झाली आहे, असे मत सरपंच वसंत पाटील व वैद्यकीय अधिकारी डाॅ. परब यांनी व्यक्त केले.

मणदूर, कोकरूड व सागाव आरोग्य केंद्रांसाठी १४ व्या वित्त आयोगातून मिळालेल्या रुग्णवाहिका मंगळवारी आमदार मानसिंगराव नाईक यांच्या हस्ते प्रदान करण्यात आल्या. मणदूरसाठीची रुग्णवाहिका नुकतीच दाखल झाली. त्याचे श्रीफळ फोडून सरपंच वसंत पाटील व डाॅ. परब यांनी लोकार्पण केले.

यावेळी सरपंच वसंत पाटील, ग्रामसेवक एम. एन. पाटील, प्राथमिक आरोग्य केंद्रातील अधिकारी व कर्मचारी स्टाफ व ग्रामस्थ उपस्थित होते.