वडिलांच्या मोटारीखाली सापडून हरिपुरात बालकाचा मृत्यू

हरिपूर (ता मिरज) येथे सव्वा वर्षाच्या शिवम सतपाल गंगथडे या बालकाचा वडिलांच्या मोटारीखाली सापडून मृत्यू झाला. सोमवार दुपारी ही घटना घडली. घटनेची माहिती मिळताच पोलीस पथक घटनास्थळी दाखल झाले. रात्री उशिरापर्यंत या घटनेची नोंद करण्यात आली नव्हती. चिमुकल्या शिवम्च्या दुर्दैवी मृत्यूने हरिपूर परिसरात शोककळा पसरली.

ठळक मुद्देचिमुकल्या शिवमच्या दुर्दैवी मृत्यूने हरिपूर परिसरात शोककळा शिवम खेळत मोटारीच्या मागे आला

सांगली : हरिपूर (ता मिरज) येथे सव्वा वर्षाच्या शिवम सतपाल गंगथडे या बालकाचा वडिलांच्या मोटारीखाली सापडून मृत्यू झाला. सोमवार दुपारी ही घटना घडली.

सतपाल हे आपल्या कुटुंबासह हरिपूर येथे राहतात. सोमवारी दुपारी त्यांनी आपला मुलगा शिवम याला मोटारीत बसवून परिसरातून फिरवून आणले. फिरवून आणल्यानंतर त्यांनी शिवमला घरात सोडले आणि ते काही कामानिमित्त घरातून बाहेर पडले. त्यांच्यापाठोपाच शिवम हा पुन्हा घरातून बाहेर आला होता. मात्र ही बाब घरातील लोकांना माहीत नव्हती.

सतपाल हे मोटारीत बसल्याने त्यांनाही ही गोष्ट लक्षात आली नाही. शिवम हा खेळत मोटारीच्या मागे आला, याचवेळी सतपाल मोटार पाठीमागे घेत असताना शिवमला मोटारीचा धक्का बसला. यामध्ये त्याचा जागीच मृत्यू झाला.

दरम्यान घरातील लोकांना ही गोष्ट लक्षात येताच त्यांनी आरडाओरडा केला. घटनेची माहिती मिळताच पोलीस पथक घटनास्थळी दाखल झाले. रात्री उशिरापर्यंत या घटनेची नोंद करण्यात आली नव्हती. चिमुकल्या शिवमच्या दुर्दैवी मृत्यूने हरिपूर परिसरात शोककळा पसरली.