मंगलादेवी शिंदे यांचा विकास फौंडेशनतर्फे सन्मान

फोटो : चिकोडी येथील मंगलादेवी शिंदे यांना माजी केंद्रीय मंत्री रत्नमाला सावणूर, जिल्हा पोलीसप्रमुख महेश मेघनावर यांच्याहस्ते पुरस्कार वितरण करण्यात आले.

आष्टा : चिकोडी (जि. बेळगाव) येथे आयोजित आंतरराज्य पुरस्कार वितरण सोहळ्यात आष्ट्याच्या माजी नगराध्यक्षा मंगलादेवी विलासराव शिंदे यांना राष्ट्रीय ग्रामीण विकास फौंडेशनच्यावतीने पुरस्कार देऊन सन्मानित करण्यात आले

मंगलादेवी शिंदे यांना माजी केंद्रीय मंत्री रत्नमाला सावनूर, गुलबर्गाचे जिल्हा पोलीसप्रमुख महेश मेघनावर, उद्योगपती सुरेश पाटील, सांगलीचे महापौर दिग्विजय पाटील, अरविंद गट्टी यांच्याहस्ते मानपत्र, सन्मानचिन्ह देऊन गौरविण्यात आले.

मंगलादेवी शिंदे यांनी आष्टा पालिकेच्या नगराध्यक्ष तसेच जिल्हा नियोजन समिती सदस्य, राज्य नगरपरिषद महासंघ सदस्य म्हणून काम केले. माजी आमदार विलासराव शिंदे यांच्या मार्गदर्शनाखाली शहरातील विकासकामांना गती दिली. त्यांनी शहराच्या विकासात दिलेल्या योगदानाबद्दल हा गौरव करण्यात आला

या पुरस्कार वितरणवेळी शंकरराव शिंदे, दिलीपराव शिंदे, मयूर धनवडे, हिम्मत पाटील, शहाजी पाटील, माधव कुलकर्णी, अक्षय देवकर, किरण जगदाळे उपस्थित होते.