पुनवत, भटवाडी, वाकुर्डे खुर्द, खेडच्या यात्रा रद्द

शिराळा : तालुक्यातील पुनवत, भटवाडी, वाकुर्डे खुर्द, खेड या चार गावांतील गुढीपाडव्यानिमित्त दोन दिवस भरणाऱ्या यात्रा कोरोनामुळे रद्द करण्यात आल्या आहेत.

पुनवत येथे जांभळाईदेवी, खेड व भटवाडी येथे भैरवनाथ, वाकुर्डे खुर्द येथे वाकेश्वराची यात्रा प्रतिवर्षी गुढीपाडव्याच्या दिवशी असते. ही यात्रा दोन दिवसांची असून, गुढीपाडवा हा यात्रेचा मुख्य दिवस असतो. मात्र कोरोनामुळे सलग दोन वर्षे यात्रा रद्द करण्यात आली आहे. खेड येथे करमाळे, भटवाडी, औंढी, बेलदारवाडी या चार ठिकाणांहून सासनकाठ्या येतात. गावातील सर्व मंदिरे बंद राहणार असून, गावात कोणतेही कार्यक्रम होणार नाहीत. त्यामुळे भाविक, विक्रेते, व्यावसायिक, मेवामिठाई दुकानदार, पै-पाहुणे अशा कुणीही गावात येऊ नये तसेच सर्वांनी कोरोनाबाबत सर्व शासकीय नियमांचे पालन करावे, असे आवाहनही ग्रामस्थांच्या वतीने करण्यात आले आहे.