यावेळी सरपंच नेताजी चव्हाण, ग्रामपंचायत सदस्य दत्तात्रय चव्हाण, माजी पोलीसपाटील प्रल्हाद चव्हाण, ग्रामविकास अधिकारी शिवाजी लाटे, भास्कर चव्हाण, बाळासाहेब पाटील, शुभम चव्हाण, सिद्धार्थ चव्हाण, वसंतराव चव्हाण आदींसह ग्रामस्थ उपस्थित होते.
ग्रामपंचायतीने आरोग्य उपकेंद्रास लसीची साठवण करण्यासाठी १६५ लिटरचा फ्रीज दिला आहे. ऑनलाइन लसीकरणाची नोंदणी करण्यासाठी ग्रामपंचायतीने सुविधा उपलब्ध करून दिली आहे. पहिल्या दिवशी १६५ लसीचा डोस उपलब्ध झाला होता. प्रत्येक मंगळवारी उपकेंद्रात लस देण्यात येणार आहे. ग्रामस्थांचा सहभाग करून दिवस आणि लसीचे डोस वाढवण्यात येणार आहेत. लस घेण्यासाठी ऑनलाइन नोंदणी करण्यात येत आहे. गर्दी होऊ नये म्हणून बालवाडी येथे थांबण्याची व्यवस्था करण्यात आली होती.
डॉ. अमित जाधव, आरोग्यसेविका धनश्री देशपांडे, आरोग्यसेवक संदीप जाधव, गट प्रवक्त्या सुरेखा पवार यांच्यासह आशा स्वयंसेविका कार्यरत होत्या.