पाटण दूध संघामार्फत मुरघास प्रकल्प उभारणार : जाधव

सोनगाव (ता. पाटण) येथील पाटण तालुका दूध उत्पादक संघाची वार्षिक सर्वसाधारण सभा नियमांचे पालन करून पार पडली. त्याप्रसंगी ते बोलत होते. राष्ट्रवादीचे तालुकाध्यक्ष राजाभाऊ काळे, पाटण अर्बन बँकेचे अध्यक्ष दिनकरराव घाडगे, उपाध्यक्ष शांताराम सूर्यवंशी, संचालक आबासाहेब शिंदे, विठ्ठल लांबोर, रघुनाथ दंडीले, अशोकराव मोरे, विकास शिलवंत, आकाताई काळे, आप्पासाहेब मोळावडे, सुंदर पुजारी यांची प्रमुख उपस्थिती होती.

शंकरराव जाधव म्हणाले, माजी मंत्री विक्रमसिंह पाटणकर व सत्यजितसिंह पाटणकर यांच्या मार्गदर्शनाखाली पाटण तालुका सहकारी दूध उत्पादक संघ यशस्वीपणे वाटचाल करीत आहे. संघाने सन २०१९-२० मध्ये ५३ लाख ३६ हजार ३९३ लिटर एकूण दूध संकलन केले आहे. संघाला निव्वळ नफा चार लाख इतका झाला आहे. दूध संस्थांना व दूध उत्पादकांना प्रति लिटर १.२५ रुपये दूध दर फरकाची तरतूद केली असून, सेवकांना बोनस ३० टक्क्यांप्रमाणे १२ लाख ५६ हजारांची तरतूद करण्यात आली आहे. संघाला दूध पुरवठा करणाऱ्या संस्थांना संघास दूध पुरवठा केलेल्या दुधावर प्रतिलिटर १० पैसे प्रमाणे ऑडिट फी रक्कम रुपये २.२१ लाखांची तरतूद केली आहे. दूध संस्थांच्या सचिवांसाठी एक पगाराएवढा बोनसही दिला जाणार आहे. दूध संस्थांना मिल्कोटेस्टर कॉम्प्युटर, कडबाकुट्टी मशीन आदींसाठी १ लाख ७५ हजारांचे अनुदान वाटप केले आहे.

व्यवस्थापक शिवाजी सूर्यवंशी यांनी अहवाल वाचन केले. संघाचे संचालक सुभाषराव पवार यांनी प्रास्ताविक व स्वागत केले. संचालक अशोकराव मोरे यांनी आभार मानले. (वा.प्र.)

फोटो : ०८केआरडी०१

कॅप्शन : सोनगाव (ता. पाटण) येथे दूध संघाच्या वार्षिक सभेत अध्यक्ष शंकरराव जाधव यांचे भाषण झाले.