बापाकडून पोटच्या दोन मुलांचा खून
By लोकमत न्यूज नेटवर्क | Published: October 9, 2019 11:04 AM2019-10-09T11:04:21+5:302019-10-09T11:05:31+5:30
दुर्धर आजाराने त्रस्त असलेल्या व पत्नीबरोबर होणाऱ्या वारंवार भांडणाच्या कारणातून बापाने दोन पोटच्या मुलांचा गळा आवळून खून केल्याची खळबजनक घटना शिरवळ पोलीस स्टेशन हद्दीत घडली आहे.
बापाकडून पोटच्या दोन मुलांचा खून
शिरवळ : दुर्धर आजाराने त्रस्त असलेल्या व पत्नीबरोबर होणाऱ्या वारंवार भांडणाच्या कारणातून बापाने दोन पोटच्या मुलांचा गळा आवळून खून केल्याची खळबजनक घटना शिरवळ पोलीस स्टेशन हद्दीत घडली आहे.
गौरवी चंद्रकांत मोहिते (वय ११) व प्रतिक चंद्रकांत मोहिते (वय 7 दोघे सध्या रा.घाटकोपर,मुंबई,मूळ रा.रासाटी,कोयनानगर,सातारा जिल्हा) असे खून झालेल्या मुलांची नावे आहे. चंद्रकांत मोहिते हा आपल्या दोन मुलांना घेऊन मंगळवारी शिरूर परिसरात आला होता. त्याने गाडीतच मुलांचा गळा आवळून खून केल्याचे समोर आले आहे
याप्रकरणी शिरवळ पोलीसांनी राजगड पोलीसांच्या सहकार्याने चंद्रकांत अशोक मोहिते (वय 37) याला मोठ्या शिताफीने खेड शिवापूर टोलनाक्यावर जेरबंद केले आहे. या घटनेची नोंद शिरवळ पोलीस स्टेशनला झाली असून अधिक तपास पोलीस निरीक्षक उमेश हजारे,पोलीस हवालदार आप्पा कोलवडकर हे करीत आहे.
