अरे व्वा! गाय अन् वासराला पाणीपुरी खाताना पाहिलंत का?; तुफान व्हायरल होणाऱ्या Video नं जिंकली मनं

Man Feeds Golgappas To Cow And Its Calf Viral Video : एका काकांनी गायीला आणि वासराला पाणीपुरी खायला दिली आहे. सोशल मीडियावर हा व्हिडीओ जोरदार व्हायरल झाला असून नेटिझन्सच्या पसंतीस उतरला आहे. 

नवी दिल्ली - सोशल मीडियावर सातत्याने नवनवीन ट्रेंड्स येत असतात. अनेक गोष्टी या पटकन व्हायरल होत असतात. असाच एक व्हिडीओ सध्या तुफान व्हायरल होत आहे. पाणीपुरी ही सर्वांच्याच आवडीची. नुसतं नाव काढलं तरी अनेकांच्या तोंडाला पाणी सुटतं. आपण ती नेहमीच खातो. पण तुम्हाला जर कोणी गाय आणि वासऱ्याने पाणीपुरी खाल्ल्याचं सांगितलं तर सुरुवातीला विश्वासच बसणार नाही. पण हो, हे खरं आहे. एका काकांनी गायीला आणि वासराला चक्क पाणीपुरी खायला दिली आहे. सोशल मीडियावर हा व्हिडीओ जोरदार व्हायरल झाला असून नेटिझन्सच्या पसंतीस उतरला आहे. 

गायीला आणि वासराला पाणीपुरी देणाऱ्या या काकांचं सर्वत्र भरभरून कौतुक केलं जात आहे. एका इन्स्टाग्राम युजरने आपल्या अकाऊटंवरून हा व्हिडीओ शेअर केला आहे. तसेच 'खूपच गोड' (टू क्यूट) असं कॅप्शन देखील दिलं आहे. सोशल मीडियावर हा व्हिडीओ सुपरहिट झाला असून आतापर्यंत 57 हजारांहून अधिक लाईक्स मिळाले आहे. तर काही युजर्सनी गायीला पाणीपुरी देणाऱ्या काकांना रियल हिरो असं देखील म्हटलं आहे. याआधीही हा व्हिडीओ व्हायरल झाला होता. 

View this post on Instagram

A post shared by sree130920 (@sree130920)

सोशल मीडियावर खूप व्हायरल होणाऱ्या या व्हिडीओमध्ये एक व्यक्ती पाणीपुरीच्या स्टॉलजवळ असून गाय आणि वासराला पाणीपुरी खायला देत आहे. गाय आणि वासरू दोघंही शांतपणे आपल्या नंबरची वाट पाहत पाणीपुरी खाताना दिसत आहेत. काही लोकांना हा व्हिडीओ प्रचंड आवडला आहे. आपण नेहमीच पाणीपुरी आवडीने खातो पण गायीला आणि वासराला पाणीपुरी खाताना पाहून सर्वांनाच आश्चर्याचा धक्का बसला आहे. एका हिंदी वेबसाईटने याबाबतचे वृत्त दिले आहे. 

तीन वर्षांच्या चिमुकलीचं होतंय भरभरून कौतुक; सोशल मीडियावर फोटो तुफान व्हायरलhttps://t.co/x0ZWfWJTtR

— Lokmat (@MiLOKMAT) June 5, 2021