डिव्हाडरला धडकून हवेत उडाली व्यक्ती, थेट पिकअप ट्रकच्या बोनटवर पडली आणि...

Accident Viral Video : एक व्हिडीओ सध्या व्हायरल झाला आहे. यात एक स्कूटी चालवणारी व्यक्ती आश्चर्यकारक या दुर्घटनेत बचावली आहे.

Accident Viral Video : सोशल मीडियावर अपघातांचे अनेक अचंबित करणारे व्हिडीओ व्हायरल होत असतात. कधी कधी तर या दुर्घटना अशा घडतात की, डोळ्यांवर विश्वासही बसत नाही. असाच एक व्हिडीओ सध्या व्हायरल झाला आहे. यात एक स्कूटी चालवणारी व्यक्ती आश्चर्यकारकपणे या दुर्घटनेत बचावली आहे. एक्स यूजर @effucktivehumor द्वारे शेअर करण्यात आलेला हा १० सेकंदाचा व्हिडिओने लोकांना अवाक् केलं.

व्हिडिओत तुम्ही बघू शकता की, रस्त्यावरून बऱ्याच गाड्या ये-जा करत आहेत. अचानक एक व्यक्ती स्कूटीवरून येते आणि त्याची डिव्हायडरच्या रॅंम्पला टक्कर लागते. अशात त्याचा गाडीवरील कंट्रोल सुटतो. तो हवेत उडत समोरून येणाऱ्या पिकअप टॅकच्या बोनटवर जाऊन पडतो. पिकअपच्या ड्रायव्हरने लगेच ब्रेक लावल्याने मोठी दुर्घटना टळली.

😃👐🏻 pic.twitter.com/0VXiWpYhCy

— Mikku 🐼 (@effucktivehumor) November 28, 2024

हा एक असा क्षण आहे जो लोकांच्या समजण्या पलिकडचा आहे. व्यक्ती शांतपणे बोनटवरून खाली उतरते आणि अपघात कसा झाला हे बघू लागते. तसेच पडलेली गाडी उचलण्यास जातो. त्याची ही काहीच न झाल्यासारख्या प्रतिक्रियेने लोक थक्क झाले आहेत. 

या व्हिडिओला आतापर्यंत ३ लाखांपेक्षा जास्त व्ह्यूज मिळाले आहेत. तसेच लोकांनी वेगवेगळ्या प्रतिक्रिया देत आश्चर्य व्यक्त केलं. एकाने लिहिलं की, 'या व्यक्तीकडे एखादा देवदूत असला पाहिजे. चमत्कारिक आहे की, तो असा कसा गेला'. दुसऱ्याने लिहिलं की, 'सतर्क राहण्यासाठी पिकअप ड्रायव्हरचं अभिनंदन. याचा शेवट फार वाईट झाला असता'.