Video: भिंतीला टेकून फोटो काढत होता, अचानक मागून आला ब्लॅक पँथर अन् मग जे झालं...

प्राण्याची चाहूल लागताच त्याने मागे पाहिलं, पण तोपर्यंत ब्लॅक पँथरने उडी मारली

Black Panther Viral Video: सिंह, चित्ता, हत्ती किंवा इतर भयानक वन्य प्राण्यांपासून काहीसे अंतर राखणे सहसा योग्य मानले जाते. कारण ते कधी रागावतात तर कधी प्रेमाने वागतात. पण त्यांना मूड नक्की कसा असेल हे ओळखणे कठीण असते. बहुतेक लोक धोकादायक प्राण्यांपासून दूरच राहणे पसंत करतात. पण काही लोक असे आहेत ज्यांना त्यांच्या जवळ जाण्यास किंवा त्यांना पाळीव प्राणी म्हणून ठेवण्यास हरकत नसते. ब्लॅक पँथर हा एक हिंस्त्र प्राणी आहे. त्यामुळे सहसा त्याच्याजवळ कोणी जात नाही. पण सध्या एक असा व्हिडीओ सोशल मीडियावर व्हायरल झाला आहे, ज्यामुळे तुम्हीही काही क्षण अवाक् व्हाल.

व्हिडीओमध्ये नक्की काय?

लोक जेव्हा बाहेर पर्यटनासाठी जातात, तेव्हा त्यांनी दुर्मिळ फोटो काढायला कायम आवडतात. व्हायरल होत असलेल्या व्हिडीओमध्ये एक माणूस फोटोमध्ये पोज देण्यासाठी भिंतीला टेकून उभा राहतो. त्याचा फोटो काढला जाणार इतक्यात एक वेगळाच प्रकार घडतो. तो माणूस भिंतीला टेकून उभा असतानाच अचानक ब्लॅक पँथर येतो आणि तो त्याच्यावर उडी मारणारच असतो, त्यावेळी माणूस पटकन मागे होतो. त्यानंतर तर काही वेगळेच घडते. ब्लॅक पँथर त्याच्यावर हल्ला करेल असे वाटत असतानाच, तो त्याच्याशी छान खेळू लागतो. पाहा व्हिडीओ-

Panther sneaks up on man for a kiss pic.twitter.com/IK08cDbKc3

— B&S (@_B___S) August 28, 2023

माणूस ब्लॅक पँथरशी खेळायला सुरूवात करतो. तो त्याच्या अंगावर चढण्याचा प्रयत्न करतो. पण असे असले तरी तो माणूस त्याला आधी लांब पाठलतो. मग नंतर तो पटकन उडी मारून भिंतीवर जातो, पाठोपाठ ब्लॅक पँथर देखील वर उभा राहतो. त्यानंतर तो अगदी प्रेमाने त्या माणसाचे चुंबन घेतो आणि पुन्हा खेळू लागतो.