Breaking; साेलापूर-हुबळी पॅसेजर १५ दिवसांसाठी रद्द; रेल्वे प्रशासनाचा ब्लॉक

डाऊन लाईनचे ट्रॅक वेल्डिंग नूतनीकरण कामाकरिता रेल्वेचा ब्लॉक

साेलापूर - हुबली विभागाच्या मल्लपूर- होलेआलूर रेल्वेस्थानक दरम्यान ट्रॅक वेल्डिंग नूतनीकरण कामासाठी रेल्वे प्रशासनाने २५ जून ते ७ जुलै २०२२ पर्यंत ब्लॉक घेतला आहे. त्यामुळे मध्य रेल्वेच्यासोलापूर विभागातून धावणारी सोलापूर-हुबळी पॅसेजर गाडी रद्द करण्याचा निर्णय रेल्वे प्रशासनाने घेतला आहे.

दक्षिण पश्चिम रेल्वेतील हुबली विभागाच्या मल्लपूर- होलेआलूर रेल्वेस्थानक दरम्यान २५ जून ते ९ जुलै २०२२ पर्यंत डाऊन लाईनचे ट्रॅक वेल्डिंग नूतनीकरण कामाकरिता दुपारी २.३० ते संध्याकाळी ६.३० पर्यंत रोज ४ तासाचा ब्लॉक घेतल्यामुळे सोलापूर-हुबळी व हुबळी ते सोलापूर ही पॅसेजर गाडी रद्द केली आहे. प्रवाशांनी वेळापत्रकात झालेल्या बदलाची माहिती घेऊनच प्रवास करावा असे आवाहन वरिष्ठ वाणिज्य मंडल प्रबंधक प्रदीप हिरडे यांनी केले आहे.