मोठं धाडस...; साडेतीन तासात मायलेकींनी केला सर्वोच्च शिखर कळसूबाई सर

मोठं धाडस ; आईला मिळवून दिला २१ व्या शतकातील हिरकणीचा मान

सोलापूर : केवळ अठरा महिन्यांची मुलगी उर्वी प्रितेश गांधी हिने न थकता आपल्या आईसोबत साडेतीन तासात महाराष्ट्रातील सर्वोच्च शिखर सर केले. हिरकणीचा वारसा अजून इथल्या लेकींच्या जिद्दीत आहे हे सांगते ,हीच सगळ्यात सुंदर गोष्ट आहे. वय वर्ष फक्त १८ महिने. आपण आपल्या आईसोबत महाराष्ट्रातील सगळ्यात उंच शिखर कळसूबाई सर केला, एवढा अवघड ट्रेक केला याच किती मोठे अप्रूप मोठ्यांना वाटते हे कळण्याचे तीच वयच नाही.

शिवविचार तत्वांवर चालणारी, शिवविचार आचरणात आणणारी, ट्रेकिंगचे वेड असणारी, निसर्गाची प्रचंड आवड असणारी अशीच उर्वीची आई श्रुती प्रितेश माने गांधी. गडकिल्ल्यांवर भरभरून प्रेम करणारी, शिवविचार आपल्या मुलीमध्ये तिच्या जन्मापासूनच रुजवणारी अशी आजच्या काळातील हिरकणी. सोलापूर शहरातील प्रितेश गांधी यांच्या पत्नी श्रुती प्रितेश माने गांधी यांना गडकिल्ले भ्रमंतीची प्रचंड आवड आहे. त्यांनी उर्वीचा पहिला वाढदिवस कळसूबाईवर साजरा करण्याचे योजिले होते, परंतु कोरोनामुळे ते शक्य झाले नाही. ९ जानेवारी २०२२ रोजी त्यांनी व त्यांची मुलगी उर्वी हिने पहाटे सुमारे साडेचार वाजता आपल्या कळसूबाई शिखर सर करायला सुरुवात केली आणि सकाळी ८ वाजता त्यांनी शिखर सर केला. म्हणजे तब्बल साडेतीन तासांतच या मायलेकींनी कळसूबाई सर केला आणि उर्वीने माझे स्वप्नं पूर्ण केले.

--------

मायलेकीचा नवा विक्रम...

याआधीही या मायलेकींनी भरपूर ट्रेक्स केलेले आहेत. कळसूबाई शिखर सर करून या मायलेकींनी नवा विक्रम तर केलाच आहे पण आपण विसरत चाललेल्या शिव विचारांचा ठेवा फक्त आपल्यात न राहता तो आपल्या मुलांना दिला पाहिजे हेच या मोहिमेतून दिसते. आधीपासून उर्वीच्या आईला ट्रेकिंगची आवड असल्याने तीच आवड आज उर्वीमध्ये आलेली असावी आणि त्याच आवडीवर आज या छोट्या उर्वी बाळाने कळसूबाई शिखर सर केला आणि आपल्या आईचा विश्वास सार्थ ठरवून तिच्या आईला २१ व्या शतकातील हिरकणीचा मान मिळवून दिला.