सोलापूरात अवकाळी पावसाची हजेरी

आॅनलाइन लोकमत सोलापूरसोलापूर दि २८ : सोलापूर शहर व परिसरात शुक्रवारी सायंकाळी पाचच्या सुमारास अवकाळी पावसाने हजेरी लावली़ सुरूवातीला हलक्या सरीने सुरूवात झालेल्या पावसाने शहरातील काही भागाला चांगलेच झोडपून काढले़दरम्यान, शुक्रवारी सोलापूर-पुणे महामार्गावरील बाळे, चौपाड, नवीपेठ, बाळीवेस, जोडबसवण्णा चौक, दमाणी नगर, महापालिका, सरस्वती चौक, जिल्हा परिषद परिसर, अवंती नगर, शासकीय रूग्णालय,आसरा चौक आदी परिसरात पावसाने हजेरी लावली़ शहरातील काही ठिकाणी उन्ह पावसाचा खेळ सुरूच होता तर काही ठिकाणी कडक उन्ह दिसून येत होते़ या पावसामुळे पुना नाका परिसरातील चिमुकल्यांनी आनंद साजरा करीत डान्स केला़ तर अचानक सुरू झालेल्या पावसाने शहरातील नागरिकांचे धावपळ झाली़ ---------------शहर परिसरातही पाऊसशहरासह परिसरातील वळसंग, शेळगी, इंगळगी, बाळे परिसरातही पावसाने चांगलीच हजेरी लावली़ अचानक सुरू झालेल्या पावसामुळे शेतकऱ्यांची चांगलीच तारांबळ उडाली़