कृतज्ञता सोहळ्यातून राजेंद्र राऊत यांचा सत्कार

बार्शी : शहरातील उपळाई रोड येथील पराग इस्टेट या भागातील नागरी समस्या, अडीअडचणी सोडविल्या. त्या भागात १ कोटी २३ लाख रुपयांचे रस्ते खडीकरण, डांबरीकरण, गटारीची विकास कामे केल्याबद्दल येथील नागरिकांच्या वतीने आमदार राजाभाऊ राऊत यांचा कृतज्ञता सोहळ्याच्या माध्यमातून सत्कार करण्यात आला.

त्याचबरोबर या ठिकाणी लोकसहभागातून बगिच्या विकसित करण्यात आला. या बगिच्याचा प्रथम वर्धापन दिन केक कापून साजरा करण्यात आला.

यावेळी सत्काराला उत्तर देत असताना राजेंद्र राऊत म्हणाले, बार्शीकरांच्या विश्वासाच्या बळावरच आगामी नगरपालिका निवडणुकीत पुन्हा एकदा विजय संपादन करू. यावेळी स्थानिक रहिवासी कांताताई पाटील, त्र्यंबक गोरे यांनी मनोगतातून राऊत यांच्या कार्याचा गौरव केला.

यावेळी नगराध्यक्ष ॲड. आसीफभाई तांबोळी, मुख्याधिकारी अमिता दगडे-पाटील, माजी नगराध्यक्ष रमेश पाटील, पक्षनेते विजय राऊत, उपनगराध्यक्ष कृष्णराज बारबोले, नगरसेवक विजय चव्हाण, नागजी दुधाळ, सोनल होनमाने, जिल्हा परिषद सदस्य मदन दराडे, नगरसेवक दीपक राऊत, संतोष बारंगुळे, रितेश वाघमारे, संदेश काकडे, मदन गव्हाणे, विश्वास ठोंबरे, पांडुरंग राऊत, मोहन ठोंगे, विठ्ठल पाटील, प्रकाश देवकते, मुन्ना बागवान, रवींद्र पाटील, मंगेश पवार, आबासाहेब जुंदळे, सागर बगले, गणेश कदम, अप्पा काशीद, गंभीर, उबाळे, लक्ष्मण धाबेकर व पराग रहिवासी मंडळाचे सदस्य उपस्थित होते. प्रास्ताविक श्रीकांत ठोंबरे व आभार अजित नवगिरे यांनी मानले.

--

फोटो : बार्शी १

आमदार राजेंद्र राऊत यांचा नागरी सत्कार करताना नगराध्यक्ष ॲड. आसीफभाई तांबोळी, मुख्याधिकारी अमिता दगडे-पाटील, रमेश पाटील, विजय राऊत, कृष्णराज बारबोले.