सोलापूर : महापालिकेच्या सर्वसाधारण सभेत संत रोहिदास महाराज यांचा पुतळा अश्विनी रुग्णालयाच्या पाठीमागील बागेत नाना - नानी पार्कमध्ये बसविण्यास सर्वपक्षीय एकमताने मंजुरी देण्यात आली. त्यामुळे राष्ट्रीय चर्मकार महांघाच्यावतीने महापौर दालनात महापौर श्रीकांचना यन्नम यांचा सत्कार करण्यात आला.
याप्रसंगी गटनेते आनंद चंदनशिवे, अमोल बापू शिंदे, चेतन नरोटे, श्रीदेवी फुलारी, संगीता जाधव, नगरसेविका वंदना गायकवाड हजर होते. या पुतळ्याबाबत नगरसेविका श्रीदेवी फुलारी यांनी प्रस्ताव दिला होता. त्यामुळे सूचक, अनुमोदक म्हणून आनंद चंदनशिवे, संगीता जाधव, शिवा बाटलीवाला यांनी मांडला.
यावेळी राष्ट्रीय चर्मकार महांसाघाचे मार्गदर्शक अशोक लांबतूरे, राज्य कार्याध्यक्ष संजय शिंदे, राम कबाडे, शहर अध्यक्ष परशुराम मब्रुखाने, शावरप्पा वाघमारे, बाळासाहेब अळसंदे, राजेंद्र कांबळे, अशोक सुरवसे, इस्माईल हुलसुरे, रमेश कांबळे गणेश शिलेदार आदी पदाधिकारी उपस्थित होते.
रोहिदास महाराजांचा पुतळा बसवायला मंजुरी मिळाल्यानंतर राष्ट्रीय चर्मकार महासंघाच्यावतीने जल्लोष करण्यात आला. तसेच पार्क चौकातील डॉ. बाबासाहेब आंबेडकर यांच्या पुतळ्याला पुष्पहार घालून अभिवादन करण्यात आले.
----
फोटो : १७ रोहिदास
संत रोहिदास महाराज यांचा पुतळा बसविण्यास मंजुरी मिळाल्याने राष्ट्रीय चर्मकार महासंघातर्फे महापौर श्रीकांचन यन्नम यांचा सत्कार करताना अशोक लांबतुरे, संजय शिंदे, परशुराम मब्रुखान, श्रीदेवी फुलारे