सोलापूरात शिवशाही बसचा अपघात; एकाचा मृत्यू तर ९ प्रवासी जखमी

९ प्रवासी जखमी; पहाटे चारच्या सुमारास झाला अपघात

ठळक मुद्दे- शुक्रवारी पहाटे चारच्या सुमारास झाला शिवशाही एसटी बसचा अपघात- या अपघातात एक जण जागीच ठार झाला असून अन्य ९ प्रवासी जखमी आहेत- अपघातानंतर पोलीस व एसटीच्या वरिष्ठ अधिकाºयांनी दिली घटनास्थळला

सोलापूर : पुण्याहुन सोलापूरला येणारी शिवशाही एसटी बसचा शेटफळ फाट्याजवट अपघात झाला आहे. या अपघातात एक प्रवासी जागीच ठार झाला असून अन्य ९ प्रवासी जखमी झाल्याची घटना शुक्रवारी पहाटे चारच्या सुमारास घडली.

मल्लिकार्जुन आबुसे असे मयत प्रवासाचे नाव आहे. याबाबत एसटी प्रशासनाने दिलेली माहिती अशी की, पुण्याहुन सोलापूरकडे येणारी शिवशाही एसटी बस (एमएच ४७ वाय २०५०) ही गाडी भरधाव वेगात सोलापूरकडे येत होती़ अचानक चालकाचा ताबा सुटल्याने गाडीचा अपघात झाला. या अपघातात एसटीचा पुढील भाग संपूर्णपणे चक्काचूर झाला आहे.

 पुण्याहुन सोलापूर येत असलेल्या एसटी बसमध्ये एकूण १६ प्रवासी होते़ यातील एक प्रवासी जागीच मयत झाला असून अन्य ९ प्रवासी जखमी झाले आहेत. जखमी प्रवाशांवर नजीकच्या रूग्णालयात उपचार सुरू आहेत. एसटी प्रशासनाने तात्पुरत्या स्वरूपात जखमींना एक हजार तर मयत मल्लिकार्जुन आंबुसे यांना दहा हजाराची मदत दिली आहे. या अपघातानंतर या मार्गावरील वाहतुक विस्कळीत झाला होती मात्र पोलीसांच्या प्रयत्नानंतर वाहतुक सुरळीत झाली. या अपघाताची माहिती मिळताच सोलापूर ग्रामीण पोलीसांसह एसटीच्या वरिष्ठ अधिकाºयांनी घटनास्थळला भेट दिली.