वीकेंड निर्बंधाला वाशिमकरांचा प्रतिसाद!

नवीन नियमावलीनुुसार अत्यावश्यक वस्तू व सेवांसह इतर सर्व दुकाने सोमवार ते शुक्रवारदरम्यान सायंकाळी ४ वाजेपर्यंत सुरू ठेवण्यास मुभा राहील. शनिवारी व रविवारी केवळ अत्यावशक वस्तू व सेवांची दुकाने सायंकाळी ४ वाजेपर्यंत सुरू राहतील व इतर सर्व दुकाने पूर्णत: बंद राहतील. हॉटेल, रेस्टॉरंट, खाणावळी, शिवभोजन थाळी केंद्र सोमवार ते शुक्रवारदरम्यान सायंकाळी ४ वाजेपर्यंत ५० टक्के क्षमतेने डाईन इन सुविधेसह सुरू राहतील. तसेच शनिवारी व रविवारी केवळ पार्सल व होम डिलिव्हरी सुविधा सुरू ठेवण्यास मुभा देण्यात आली आहे. त्यानुसार वीकेंड निर्बंधाला १० जुलै रोजी वाशिमकरांचा उत्स्फूर्त प्रतिसाद मिळाला. रविवार, ११ जुलै रोजीदेखील अत्यावशक वस्तू व सेवांची दुकाने सायंकाळी ४ वाजेपर्यंत सुरू राहणार आहेत.

००००

बॉक्स

इतर दुकाने बंद

अत्यावश्यक वस्तू व सेवांची दुकाने वगळता उर्वरित सर्व दुकाने शनिवारी बंद आढळून आली. रविवारीदेखील व्यापाऱ्यांनी अत्यावश्यक सेवा व वस्तूंची दुकाने वगळता उर्वरित सर्व दुकाने बंद ठेवून प्रशासनाला सहकार्य करावे, असे आवाहन जिल्हा प्रशासनाने केले.