राज ठाकरेंच्या ईडी चौकशीबाबत आता उद्धव ठाकरेंनी सूचक आणि बोलकी प्रतिक्रिया दिलीय. राज ठाकरेंच्या ईडी चौकशीत काहीही निष्पन्न होणार नाही, असा विश्वास उद्धव ठाकरे यांनी व्यक्त केला आहे. याबाबत जास्त बोलण्यासही उद्धव ठाकरेंनी नकार दिला. दरम्यान, काँग्रेस नेत्या निर्मला गावित आणि राष्ट्रवादीच्या रश्मी बागल यांनी मातोश्रीवर येऊन शिवसेनेत प्रवेश केला. त्यासाठी, आयोजित केलेल्या पत्रकार परिषदेत उद्धव ठाकरेंनी आपलं मत मांडलं आहे.