Jio नंतर, Airtel ने आता किमती वाढवल्या; प्लान ६०० रुपयांनी महागले
Jio नंतर, आता Airtel ने आपल्या रिचार्ज प्लॅनच्या किमती वाढवल्या आहेत. आता तुम्हाला प्रीपेड आणि पोस्टपेड प्लॅनसाठी जास्त पैसे खर्च करावे लागतील.
कंपनीने एक प्रेस रिलीज जारी करून प्लॅनच्या किंमतीतील बदलांची माहिती दिली आहे. कंपनीच्या सर्वात स्वस्त प्लॅनची किंमत १७९ रुपयांवरून १९९ रुपयांपर्यंत वाढली आहे.
ब्रँडचा १७९९ रुपयांचा प्लॅन आता १९९९ रुपयांमध्ये उपलब्ध असेल. हा प्लान ३६५ दिवसांच्या वैधतेसह येतो. दैनंदिन डेटासह प्लॅनच्या किमतीही वाढल्या आहेत.
२६५ रुपयांच्या प्लॅनची किंमत आता २९९ रुपये झाली आहे. 1.5GB डेटा प्लॅनची किंमत २९९ रुपयांवरून ३४९ रुपयांपर्यंत वाढली आहे.
५६ दिवसांच्या प्लॅनची किंमतही वाढली आहे. कंपनीने ४७९ रुपयांच्या प्लॅनची किंमत ५७९ रुपयांपर्यंत वाढवली आहे.
दररोज 2GB डेटा, अमर्यादित कॉलिंग आणि SMS सह २९९९ रुपयांचा प्लॅन आता ३५९९ रुपयांमध्ये उपलब्ध असेल. हा प्लान ३६५ दिवसांच्या वैधतेसह येतो.
कंपनीने डेटा व्हाउचरच्या किमतीही वाढवल्या आहेत. त्याच्या १९ रुपयांच्या प्लॅनची किंमत २२ रुपये झाली आहे. यामध्ये 1GB डेटा एका दिवसासाठी मिळेल.
पोस्टपेड प्लॅनच्या किंमतीही वाढल्या आहेत. कंपनीने ३९९ रुपयांच्या प्लानची किंमत ४४९ रुपयांपर्यंत वाढवली आहे. तर ९९९ रुपयांचा प्लॅन ११९९ रुपयांमध्ये उपलब्ध असेल.