हेच का अच्छे दिन ? आता विनाअनुदानित सिलेंडरही 59 रुपयांनी महागला

पेट्रोल-डिझेलच्या किंमती दिवसेंदिवस वाढत असताना प्रदूषणापासून वाचविणाऱ्या सीएनजीवरही दरवाढीची वक्रदृष्टी पडली आहे.

नवी दिल्ली : पेट्रोल-डिझेलच्या किंमती दिवसेंदिवस वाढत असताना प्रदूषणापासून वाचविणाऱ्या सीएनजीसह घरगुती गॅस आणि विमान प्रवासावरही दरवाढीची वक्रदृष्टी पडली आहे. केंद्र सरकारने दिल्लीमध्ये सीएनजीचा दर प्रती किलो 1.70 रुपयांनी वाढविला असून नोएडामध्ये 1.95 रुपयांनी दर वाढविला आहे. तर विनाअनुदानित गॅस सिलेंडरचा दर तब्बल 59 रुपयांनी वाढविल्याने सर्वसामान्य ऐन सणासुदीला महागाईत चांगलेच भरडले जाणार आहेत. त्यामुळे यंदा सर्वसामान्यांची दिवाळीही महागणार आहे.

 

The new consumer price of CNG will be Rs. 44.30 per kg in Delhi and Rs. 51.25 per kg in Noida, Greater Noida & Ghaziabad. The price of CNG in Rewari will be Rs. 54.05 per kg: Indraprastha Gas Limited (IGL)

— ANI (@ANI) September 30, 2018

इंधनाचे दर दिवसेंदिवस वाढत आहेत. रुपयाचे अवमुल्यन आणि आंतराष्ट्रीय बाजारात तेलाचे वाढत चाललेले भाव इंधनाच्या दरांवर परिणाम करत असून सर्वसामान्यांचे कंबरडे मोडले आहे. मुंबईत पेट्रोलचे दर 90.84 आणि डिझेल 79.40 वर पोहोचले आहेत. तर सीएनजी 44.22 च्या आसपास आहे. 

केंद्र सरकराने आज वाढत्या महागाईमध्ये सर्वसामान्यांना तिहेरी शॉक दिला आहे. विनाअनुदानित गॅस सिलेंडरच्या किंमतीत 59 रुपयांची वाढ केली. तर अनुदानित सिलिंडरमध्ये 2.89 रुपयांची वाढ करण्य़ात आली आहे. 

तसेच विमानाच्या इंधनाचीही 2650 रुपये प्रतिकिलो लिटरला विक्री केली जाणार आहे. हा दर एटीएफअंतर्गत करण्यात आला आहे, म्हणजेच विमान कंपन्या त्यांच्या तिकिट दरामध्ये वाढ करू शकणार आहेत. एक किलो लिटरमध्ये 1000 लीटर इंधन मिळते.

Price of CNG increases by Rs 1.70 per kg in Delhi and Rs 1.95 per kg in Noida, Greater Noida and Ghaziabad. Price of CNG in Rewari increases by Rs 1.80 per kg. The new consumer price would be effective from midnight of 30 September/01 October: Indraprastha Gas Limited (IGL)

— ANI (@ANI) September 30, 2018

सीएनजीची ही दरवाढ देशभरात लागू झाल्यास आज मध्यरात्रीपासून प्रती किलोला 46 रुपयांच्या आसपास सीएनजी विकला जाणार आहे. यामुळे आधीच महागाईने पिचलेल्या कारचालकांना तुलनेने स्वस्त असलेल्या सीएनजीच्या दरवाढीमुळे खिशाला कात्री लागणार आहे. 

याआधी 1 एप्रिलला 77 पैशांची वाढ झाली होती.