"काँग्रेसने 70 वर्षांत काय केलं?, असा प्रश्न विचारत शहा एम्समध्ये उपचारासाठी दाखल"

By ऑनलाइन लोकमत | Published: August 18, 2020 04:50 PM2020-08-18T16:50:23+5:302020-08-18T17:05:24+5:30

अमित शहा उपचारांसाठी एम्समध्ये दाखल झाल्यानंतर काँग्रेसने त्यांच्यावर निशाणा साधला आहे.

congress sachin sawant tweet on bjp amit shah hospitalised | "काँग्रेसने 70 वर्षांत काय केलं?, असा प्रश्न विचारत शहा एम्समध्ये उपचारासाठी दाखल" — "काँग्रेसने 70 वर्षांत काय केलं?, असा प्रश्न विचारत शहा एम्समध्ये उपचारासाठी दाखल"

मुंबई - केंद्रीय गृहमंत्री अमित शहा कोरोनावर मात करून घरी परतलेले असताना रात्री अचानक अस्वस्थ वाटू लागल्याने पुन्हा त्यांना दिल्लीतील एम्स रुग्णालयात दाखल करण्यात आले आहे. अमित शहा उपचारांसाठी एम्समध्ये दाखल झाल्यानंतर काँग्रेसने त्यांच्यावर निशाणा साधला आहे. काँग्रेसने 70 वर्षांत काय केलं, असा प्रश्न विचारतच अमित शहा दिल्लीतील एम्स रुग्णालयात दाखल झाले आहेत असा टोला लगावला आहे. काँग्रेसचे प्रवक्ते सचिन सावंत यांनी असं म्हटलं आहे.

सचिन सावंत यांनी मंगळवारी (18 ऑगस्ट) आपल्या ट्विटर अकाऊंवरून याबाबतचे एक ट्विट केले आहे. "1956 मध्ये पंडित जवाहरलाल नेहरू यांना दोष देत बाळ नरेंद्र यांनी स्थापन केलेल्या दिल्लीतील ऑल इंडिया इन्स्टिट्यूट ऑफ मेडिकल सायन्सेस (एम्स) मध्ये काँग्रेसने 70 वर्षांत काय केलं असा प्रश्न ओरडून विचारतच अमित शहा हे उपचारासाठी दाखल झाले आहेत. त्यांची प्रकृती लवकरात लवकर बरी व्हावी, अशी आम्ही प्रार्थना करतो" असं ट्विट सावंत यांनी केलं आहे.

1956 में पंडित जवाहरलाल नेहरू को दोष देते हुए बाल नरेंद्र द्वारा स्थापित दिल्ली के आॅल इंडिया इन्स्टिट्यूट अॉफ मेडिकल साइंसेस (एम्स) में कांग्रेस ने सत्तर सालमें क्या किया इस प्रश्नको चीखकर पुछते हुए अमित शाहजी उपचार के लिए दाखिल हुए।
हम उनके शीघ्र स्वास्थ्यलाभ की कामना करते हैं।
— Sachin Sawant सचिन सावंत (@sachin_inc) August 18, 2020

सोमवारी रात्री अमित शहांना श्वास घेण्यास त्रास जाणवू लागल्याचे समजते. 2 ऑगस्टला त्यांना कोरोनाची लागण झाली होती. तर उपचारानंतर 14 ऑगस्टला अमित शहा यांची कोरोना चाचणी निगेटिव्ह आली होती. गुरुग्राममधील मेदांता रुग्णालयामध्ये त्यांना भरती करण्यात आले होते. तेथे त्यांच्यावर कोरोनावरील उपचार करण्यात आले होते. एम्सने दिलेल्या माहितीनुसार अमित शहांना कोरोनानंतरच्या उपचारासाठी दाखल करण्यात आले आहे. त्यांची प्रकृती चांगली असून त्याचे कामही ते रुग्णालयामधून करत आहेत. शहा यांना थकवा आणि अंगदुखी होत होती.

पंतप्रधानांच्या 'या' घोषणेचं रोहित पवारांनी केलं स्वागत, म्हणाले...https://t.co/qkZltNdygW #rohitpawar #NarendraModi
— Lokmat (@MiLOKMAT) August 17, 2020

एम्समध्ये डॉ. रणदीप गुलेरियां यांची टीम अमित शहांच्या प्रकृतीवर लक्ष ठेवून आहे. शहा यांना मध्यरात्री 2 वाजता रुग्णालयामध्ये भरती करण्यात आले. कोरोनाची काही प्राथमिक लक्षणं दिसल्यानंतर शहांनी टेस्ट केली होती, त्या टेस्टचा रिपोर्ट पॉझिटिव्ह आला होता. अमित शहा यांनी त्यांच्या संपर्कात आलेल्या व्यक्तींना देखील कोरोनाची चाचणी करण्याचे आवाहन केले होते. शुक्रवारी त्यांनी कोरोना रिपोर्ट निगेटिव्ह आल्याचं ट्विट केलं.

भाजपाच्या अध्यक्षांनी राहुल गांधींवर केला गंभीर आरोप, म्हणाले...https://t.co/0t8qijWyFr #Congress #BJP #RahulGandhi #NarendraModi
— Lokmat (@MiLOKMAT) August 18, 2020