पंतप्रधान मोदींबाबत आक्षेपार्ह वक्तव्य प्रकरण: राहुल गांधींना हायकोर्टाचा दिलासा

राफेल विमानांच्या व्यवहारावरून २०१८ मध्ये गांधी यांनी एका प्रचारसभेत पंतप्रधानांचा उल्लेख ‘’कमांडर-इन-थीफ’’ असा केला होता.

लोकमत न्यूज नेटवर्क, मुंबई : पंतप्रधान नरेंद्र मोदी यांच्याबाबत आक्षेपार्ह वक्तव्य केल्याप्रकरणी काँग्रेसचे नेते राहुल गांधी यांच्यावर दाखल केलेल्या मानहानी दाव्याप्रकरणी उच्च न्यायालयाने त्यांना दिलासा दिला आहे. दंडाधिकारी न्यायालयात हजर राहण्यासाठी दिलेल्या मुदतीत उच्च न्यायालयाने २ ऑगस्टपर्यंत वाढ केली आहे. न्या. सारंग कोतवाल यांच्या एकलपीठाने २  ऑगस्टपर्यंत सुनावणी तहकूब केली. राफेल विमानांच्या व्यवहारावरून २०१८ मध्ये गांधी यांनी एका प्रचारसभेत पंतप्रधानांचा उल्लेख ‘’कमांडर-इन-थीफ’’ असा केला होता.