Aditya Thackeray : तो व्हायरल फोटो पाहून आदित्य ठाकरे अस्वस्थ झाले अन् ...

Aditya Thackeray : पर्यावरणमंत्री आदित्य ठाकरेंनी या फोटोची दखल घेत येथील जीवघेण्याच जागेवर भक्कम लोखंडी साकव बांधून देण्यासाठी पुढाकार घेतल्याचं दिसून आलं.

शिवसेना नेते आणि पर्यावरणमंत्री आदित्य ठाकरे हे सोशल मीडियावर चांगलेच एक्टीव्ह असतात. आपल्या ट्विटर अकाऊंटवरुन अनेकदा त्यांनी नागरिकांच्या समस्या सोडवल्या आहेत.

कोरोना कालवधीत सुरक्षेसाठी तैनात असलेल्या पोलिसांची काळजी असो, वा एखाद्या रुग्णाची मदत मिळविण्यासाठीची धडपड असो, आदित्य ठाकरेंनी ट्विटरवरुन दखल घेत प्रश्न मार्ग लावला आहे.

आदित्य ठाकरेंनी आता थेट नाशिक जिल्ह्यातील महिला भगिंनीची पाण्यासाठी होत असलेली फरपट पाहून तात्काळ याची दखल घेतली. तसेच, स्थानिक नेत्यांना सोबत घेऊन प्रश्न मार्गी लावला.

पाण्यासाठी आदिवासी महिलांना आपला जीव धोक्यात घालावा लागतो ही बातमी वाचून अस्वस्थ झालो. येथील स्थानिकांशी बोलून महिलांच्या सोयीसाठी येथे ताबडतोब लोखंडी साकव बांधण्याचे काम सुरू झाल्याचे आदित्य यांनी ट्विटरवरुन सांगितले.

येत्या २ दिवसात हे काम पूर्ण करून आदिवासी भगिनींची वाट सुसह्य करू, असे आश्वासनही आदित्य यांनी दिले आहे. तसेच, आदित्य ठाकरेंनी लोखंडी साकव बांधकामाचे फोटोही शेअर केले आहेत.

त्र्यंबकेश्वर तालुक्यातील खरशेत येथील महिला भगिनींचा पाण्यासाठीचा सुरू असलेला जीवघेणा प्रवास वर्तमानपत्रात छापून आला होता. तो फोटोही सोशल मीडियावर व्हायरल झाला होता.

आदिवासी भागातील नागरिकांसाठी असलेले जलजीवन मिशन महिलांपर्यंत पोहोचलेच नाही. त्यामुळेच, या महिलांची पाण्यासाठी अशी पायपीट होत असल्याचे या फोटोतून दिसून येत होते.

पर्यावरणमंत्री आदित्य ठाकरेंनी या फोटोची दखल घेत येथील जीवघेण्याच जागेवर भक्कम लोखंडी साकव बांधून देण्यासाठी पुढाकार घेतल्याचं दिसून आलं.