Ravi Rana: तुरुंगातून बाहेर येताच रवी राणांचं 'हनुमान चालिसा पठण'

रुग्णालयात जात असताना त्यांच्या हातात हनुमान चालिसा होती. त्यांनी अनेकदा ती प्रसारमाध्यमांना दाखवली. त्यातून, रवि राणा यांनी आपली हमुमान चालिसाची भूमिका अद्यापही ठाम असल्याचंच दाखवून दिलंय.

मुख्यमंत्र्यांच्या घराबाहेर हनुमान चालिसा म्हणणाऱ्या खासदार नवनीत राणा Navneet Rana आणि आमदार रवी राणांची रवानगी १२ दिवसांपूर्वी तुरुंगात झाली.

अखेर कोर्टानं जामीन दिल्यानंतर दोघांची आज कारागृहातून सुटका झाली. तुरुंगातून सुटका होताच नवनीत राणा थेट लिलावती रुग्णालयात दाखल झाल्या. रक्तदाब, मणक्याचा त्रास होत असल्यानं नवनीत राणांनी रुग्णालय गाठलं.

नवनीत राणा रुग्णालयात दाखल झाल्यानंतर थोड्याच वेळात त्यांचे पती रवी राणा हेही तुरुंगातून बाहेर आले. विशेष म्हणजे तुरुंगातून बाहेर येताना गाडीत बसल्यानंतर रवि राणा यांनी हनुमान चालिसा पठण केले.

रवि राणांचे हनुमान चालिसा पठण करतानाचे फोटो सध्या सोशल मीडियात व्हायरल झाले आहेत. त्यामध्ये, ते स्वत: हनुमान चालिसा पठण करताना दिसून येत आहेत.

रवि राणांनी तुरुंगातून थेट लिलावती रुग्णालय गाठले. रवी राणांना पाहून नवनीत राणांना अश्रू अनावर झाले. त्या रडू लागल्या. रवी राणांना तळोजा कारागृहात ठेवण्यात आलं होतं.

आज सुटका झाल्यानंतर त्यांनी लिलावती रुग्णालय गाठलं आणि पत्नीची विचारपूस केली. बरेच दिवसांनंतर दोघांची भेट झाली. रवी राणांना पाहून नवनीत राणा ढसाढसा रडल्या.

रवी राणा लिलावती रुग्णालयापूर्वी भाजपचे नेते किरीट सोमय्या तिथे उपस्थित होते. सोमय्यांसोबत राणा लिलावती रुग्णालयात नवनीत राणांच्या भेटीसाठी पोहोचले.

नवनीत राणांना स्पॉन्डेलिसिसचा त्रास आहे. त्यांना आधीच रुग्णालयात दाखल करायला हवं होतं. मात्र तुरुंग प्रशासनानं उशीर केला, असं रवी राणा लिलावती रुग्णालयाकडे जात असताना म्हणाले.

रुग्णालयात जात असताना त्यांच्या हातात हनुमान चालिसा होती. त्यांनी अनेकदा ती प्रसारमाध्यमांना दाखवली. त्यातून, रवि राणा यांनी आपली हमुमान चालिसाची भूमिका अद्यापही ठाम असल्याचंच दाखवून दिलंय.