१ लाख ३० हजार नागरिकांनी केले कोरोनाला पराभूत

अहमदनगर : जिल्ह्यात गेल्या दाेन महिन्यांपासून कोरोनाने हाहाकार माजविला आहे. दररोज तीन हजारांहून अधिक रुग्ण संख्या आणि ५० ते ६० जणांचे मृत्यू होत असल्याच्या पार्श्वभूमीवर गेल्या वर्षभरात काही सकारात्मकही घडले आहे. मागील १३ महिन्यांत १ लाख ३० हजार नागरिकांनी कोरोनाला हरवून दाखवले आहे. कोरोनावरील यशस्वी उपचार घेत हे रुग्ण घरी परतले. हे अहोरात्र झटणाऱ्या आरोग्य यंत्रणेचे यश आहे

नगरमध्ये १३ मार्च २०२० रोजी एका डॉक्टराला कोरोनाचे निदान झाले होते. हा नगर जिल्ह्यातील पहिला कोरोनाचा रुग्ण होता. रुग्णालयात दाखल झाल्याच्या अवघ्या १४ दिवसांत डॉक्टर कोरोनामुक्त होऊन घरी परतले. कोरोनाच्या प्रारंभी उपचाराच्या कोणत्याही बाबी स्पष्ट नव्हत्या, तरीही यशस्वी उपचार करून पहिला रुग्ण कोरोनामुक्त झाला. कोरोनामुक्त होण्याचा आलेख वाढतच गेला. जिल्ह्यात फेब्रुवारी अखेर कोरोनाने पुन्हा डोके वर काढले. आवघ्या तीन महिन्यांत ३२ हजारांहून अधिक कोरोना रुग्णांचे निदान झाले. पण कोरोना रुग्ण वाढत असताना कोरोनामुक्त होणाऱ्यांचेही प्रमाण वाढले. रुग्णांच्या उपचारासाठी येथील जिल्हा रुग्णालय, ग्रामीण रुग्णालये, उपकेंद्र, खासगी रुग्णालये, महापालिकेचे कोविड केअर सेंटर, विविध सामाजिक संस्थांचे कोविड केअर सेंटरमधील डॉक्टर परिचारिका, वैद्यकीय कर्मचाऱ्यांकडून दिवस-रात्र प्रयत्नांची पराकाष्टा केली जात आहे. त्यातूनच कोरोना मुक्त नागरिकांची संख्या सव्वा लाख झाली आहे.

.....

एकूण रुग्णसंख्या- १५६०१६

-एकूण मृत्यू- १७७६

- कोरोनामुक्त रुग्णांची संख्या- १३०९३८

-उपचार घेत असलेले रुग्ण-२३३०२

......

कुठे किती कोरोनामुक्त

नगर शहर- ३५६४०

अकोले- ५६९७

जामखेड- ३७१९

कर्जत- ५३४९

कोपरगाव- ६६७३

नगर-८४३२

नेवासा-५३३५

पारनेर-५५४०

पाथर्डी-६८३८

राहाता-१०७२१

राहुरी- ५६९८

संगमनेर-१०५५६

शेवगाव-५०७०

श्रीगोंदा-४४९६

श्रीरामपूर-७०४९

भिंगार-२११३

सैनिक हॉस्पिटल- ६४६

...

जिल्ह्यातील स्थिती

कोरोनामुक्त- ८३. ९४ टक्के

मृत्युचे प्रमाण- १. १४ टक्के

...

एका आठवड्यातील

वारनिहाय कोरोनामुक्त

सोमवार- १९६८

मंगळवार-२६३१

बुधवार-२३८४

गुरुवार-३०६५

शुक्रवार-३०२३

शनिवार-३२२५

रविवार- ....