भीषण अपघातात कुटुंबातील ३ ठार, वडिलांसह 2 मुलांचा मृत्यू

बाळासाहेब गायकवाड हे मुलगी दीपाली व मुलगा अजित यांना घेऊन बेलापूरच्या दिशेने जात हाेते.

श्रीरामपूर (जि. अहमदनगर) : दुचाकी व टँकरच्या अपघातात शनिवारी सकाळी नायगाव (ता. श्रीरामपूर) येथील बहीण-भाऊ व वडील असे तीन जण ठार झाले. हा अपघात बेलापूर नाका येथील छत्रपती शिवाजी महाराज प्रवेशद्वारापासून जवळच असलेल्या श्रीकृष्ण मंदिरासमोर घडला. 

बाळासाहेब गायकवाड हे मुलगी दीपाली व मुलगा अजित यांना घेऊन बेलापूरच्या दिशेने जात हाेते. वस्तीजवळ आले असता दुचाकीला मळीच्या टँकरची  धडक बसली. दीपालीच्या (२०) डोक्यावरून टँकरचे चाक गेल्याने जागीच ठार झाली तर बाळासाहेब (५०)  व अजित यांचा  उपचारासाठी नेताना मृत्यू झाला.