चार वर्षांपासून फरार

श्रीरामपूर : चार वर्षांपासून फरार असलेल्या तालुक्यातील उक्कलगाव येथील गोविंद बाळू गुंजाळ (वय २६) या आरोपाला स्थानिक गुन्हे शाखेच्या पथकाने पकडले. त्याच्यावर गंभीर स्वरुपाचे दहा गुन्हे विविध पोलीस ठाण्यात दाखल आहेत.

नगर शहरात २०१७ मध्ये दरोडा घालण्याच्या तयारीत असताना गुंजाळ व त्याचे सहकारी पोलिसांना मिळून आले. त्यावेळी हत्यारे व वाहनही पोलिसांनी जप्त केले. मात्र, कारवाईदरम्यान गुंजाळ हा फरार झाला. तेव्हापासून तो आपली राहण्याची ठिकाणे बदलून पोलिसांना गुंगारा देत होता. श्रीरामपूर, राहाता व राहुरी पोलीस ठाण्यात त्याच्यावर गंभीर स्वरुपाचे गुन्हे दाखल आहेत. स्थानिक गुन्हे शाखेचे निरीक्षक अनिल कटके यांच्या पथकाला गुंजाळ हा त्याच्या गावी उक्कलगाव येथे घरी येणार असल्याची माहिती बुधवारी मिळाली. त्यावेळी सापळा लावून त्याला ताब्यात घेण्यात यश आले.

पथकामध्ये सहायक पोलीस निरीक्षक सोमनाथ दिवटे, हवालदार सुनील चव्हाण, मनोहर गोसावी, दत्तात्रय हिंगडे, संतोष लोढे, विनोद मासाळकर, जालिंदर माने, उमाकांत गावडे सहभागी झाले होते.

------