भिंगारमधील गणेश विसर्जन मिरवणुकीसाठी प्रशासन सज्ज

यंदा भिंगार कॅम्प हद्दीतील गणेश विसर्जन आठव्या दिवशी होत आहे. मानाच्या गणपतीची मिरवणूक पारंपरिक वाद्यात दुपारी निघेल

अहमदनगर: नगर शहरापासून काही अंतरावर असलेल्या भिंगार येथील गणेश विसर्जन मिरवणूक सायंकाळी निघणार आहे .या मिरवणुकीसाठी पोलीस प्रशासन सज्ज झाले असून ,मिरवणूक मार्गावर कडेकोट बंदोबस्त तैनात करण्यात आला आहे Z अशी माहिती भिंगार कॅम्प पोलीस ठाण्याचे सहाय्यक पोलीस निरीक्षक दिनकर मुंडे यांनी दिली.

यंदा भिंगार कॅम्प हद्दीतील गणेश विसर्जन आठव्या दिवशी होत आहे. मानाच्या गणपतीची मिरवणूक पारंपरिक वाद्यात दुपारी निघेल .त्यानंतर सायंकाळी विविध गणेश मंडळांकडून मिरवणुका काढण्यात येणार आहेत. या परिसरातील एकूण १८ सार्वजनिक गणेश मंडळांचा मिरवणुकीत सहभाग असेल. या मिरवणुकीसाठी मोठा बंदोबस्तही तैनात करण्यात आलेला आहे. विविध ९७ पोलीस अधिकारी तसेच होमगार्ड आणि राज्य राखीव दलाचे पथकही मिरवणूक मार्गावर तैनात असणार आहेत.