शेवगावात आडत व्यापाऱ्याच्या घरी सशस्त्र दरोडा, दोन जणांचा मृत्यू

चोरट्यांच्या मारहाणीत दोन ठार तर एकाची प्रकृती चिंताजनक

शेवगाव (जि. अहमदनगर): शहारातील मारवाडगल्ली येथील आडत व्यापाऱ्याच्या घरावर शुक्रवारी पहाटेच्या सुमारास चोरट्यांनी सशस्त्र दरोडा टाकला. यावेळी चोरट्यांनी केलेल्या मारहाणीत दोन जणांचा जागीच मृत्यू झाला आहे. तर एकाची प्रकृती चिंताजनक असून उपचारासाठी रुग्णालयात दाखल करण्यात आले आहे. या घटनेमुळे शहरातील नागरिक भयभीत झाले आहेत. या घटनेची माहिती मिळताच तत्काळ पोलीस घटनस्थळी दाखल झाले असून या घटनेचा तपास सुरु केला आहेत. 
     
चोरट्यांनी केलेल्या मारहाणीत पुष्पा हरीकिसन बलदवा, गोपीकिसन गंगाभिसन बलदवा यांचा मृत्यू झाला असून सुनीता गोपीकिसन बलदवा ( सर्व. रा. मारवाडगल्ली ) ह्या जबर जखमी झाल्या आहेत. त्यांना पुढील उपचारासाठी रुग्णालयात दाखल करण्यात आले असून त्यांची प्रकृती चिंताजनक असल्याची माहिती मिळाली आहे 
         
शहराच्या मध्यवस्तीत चंद्र प्रकार घडल्याने नागरिकांमध्ये भीतीचे वातावरण पसरले आहे दरम्यान पोलीस उप अधीक्षक सुनील पाटील, परिविक्षाधीन पोलीस अधीक्षक बी. चंद्रकांत रेड्डी घटनास्थळी दाखल झाले असून पोलीस अधीक्षक राकेश ओला व अप्पर पोलीस अधीक्षक प्रशांत खैरे शेवगावकडे रवाना झाल्याचे माहिती मिळाली आहे.