गावठी कट्टा विकणारा जेरबंद

अहमदनगर : भिंगार हद्दीतील बु-हाणनगर चौकात एक गावठी कट्टा विक्रीसाठी घेऊन आलेल्या आरोपीला भिंगार पोलिसांनी रंगेहात पकडले.
आरोपीकडून पोलिसांनी २५ हजार रुपये किमतीचा गावठी कट्टा व एक जिवंत काडतूस असा मुद्देमाल पोलिसांनी हस्तगत केला आहे. दीपक रामचंद्र गायकवाड (वय २४, रा़ गंगापूर, जि़ औरंगाबाद) यास पोलिसांनी नगर-पाथर्डी रोडवर सापळा रचून अटक केली. गायकवाड याच्याविरुद्ध भिंगार कॅम्प पोलीस ठाण्यात गुन्हा दाखल करण्यात आला आहे. पोलीस निरीक्षक दिलीप पवार, सहाय्यक पोलीस निरीक्षक शरद गोर्डे, राजकुमार हिंगोले, मल्लीकार्जुन बनकर, सागर सुलाने, सचिन कोळेकर, सुमेघा वाघमारे आदींनी ही कारवाई केली.