किरकोळ कारणावरून वृद्ध दाम्पत्यास मारहाण

लोकमत न्यूज नेटवर्क

कोपरगाव : मागील भांडणातील जामिनदारास फोन केल्याच्या रागातून पाच जणांनी एका वृद्ध दाम्पत्यास शिवीगाळ करून लाथाबुक्क्यांसह दगड, लाकडी दांडा तसेच लोखंडी राॅडने मारहाण केली. ही घटना कोपरगाव तालुक्यातील ब्राम्हणगाव येथे रविवारी ( दि. २५ ) सकाळी ९ वाजेच्या सुमारास घडली.

या मारहाणीत अशोक शंकर लोणारी ( वय ६५) व पद्मावती अशोक लोणारी ( दोघे रा. ब्राह्मणगाव ता कोपरगाव ) हे वृद्ध दाम्पत्य जखमी झाले आहेत. या प्रकरणी अशोक लोणारी यांच्या फिर्यादीवरून अरविंद लक्ष्मण लोणारी, मयूर अरविंद लोणारी, लक्ष्मण शंकर लोणारी, कविता अरविंद लोणारी, कोमल अरविंद लोणारी ( सर्व रा. ब्राह्मणगाव, ता. कोपरगाव ) यांच्याविरुद्ध कोपरगाव तालुका पोलीस ठाण्यात गुन्हा दाखल करण्यात आला आहे. पुढील तपास पोलीस निरीक्षक दौलतराव जाधव यांच्या मार्गदर्शनाखाली पोलीस हेड कॉन्स्टेबल अशोक आंधळे करीत आहे.