खर्डा येथील शिबिरात ३४१ जणांचे रक्तदान

खर्डा : आमदार रोहित पवार यांच्या वाढदिवसानिमित्त आयोजित रक्तदान शिबिरात खर्डा (ता.जामखेड) येथे ३४१ रक्तदात्यांनी रक्तदान केले. यामध्ये महिलांचाही उल्लेखनीय सहभाग होता.

शिबिराचे उद्घाटन सरपंच आसाराम गोपाळघरे, उपसरपंच श्रीकांत लोखंडे, माजी पंचायत समिती सदस्य विजयसिंह गोलेकर यांच्या हस्ते करण्यात आले. ३४१ जणांनी रक्तदान केले. यावेळी सामाजिक कार्यकर्ते दत्तराज पवार, ग्रामपंचायत सदस्य प्रकाश गोलेकर, महालिंग कोरे, अशोक खटावकर, राष्ट्रवादी काँग्रेसचे शहराध्यक्ष संतोष लष्करे, संतोष थोरात, अनिल धोत्रे, गणेश जव्हेरी, विकास शिंदे, दत्ता भोसले, तुळसीदास गोपाळघरे, केशव गोपाळघरे, कपिल लोंढे, रावसाहेब जाधव, भीमा घोडेराव, विष्णुपंत काळे, सेवा सोसायटीचे अध्यक्ष चंद्रकांत गोलेकर आदी उपस्थित होते.

बार्शी (जि. सोलापूर) येथील भगवंत ब्लड बँक व रमणभाई शहा ब्लड बँक यांचे यासाठी सहकार्य लाभले.