शिरूर कासारमधील सराफाचा भातकूडगावमध्ये पुरला मृतदेह

शेवगाव/भातकूडगाव : शिरूर कासार (जि.बीड) येथील एका सराफ व्यावसायिकाचा खून करून भातकूडगाव (ता. शेवगाव) येथील शेतात पुरलेला मृतदेह पोलिसांनी रविवारी (दि.२३) सकाळी उकरून बाहेर काढला. याप्रकरणी पोलिसांनी एकास अटक केली आहे.

विशाल सुभाष कुलथे (वय २४, रा. शिरूर कासार, जि. बीड) असे खून झालेल्या सराफाचे नाव आहे.

भातकूडगाव येथील रहिवासी असलेला ज्ञानेश्वर शिवाजी गायकवाड याचे शिरूर कासार हे मामाचे गाव आहे. त्याचे शिरूर कासार येथे सलूनचे दुकान आहे. काही दिवसांपूर्वीच लॉकडाऊनमध्येच त्याचे लग्न झाले आहे. बायकोसाठी सोन्याचे दागिने बनविण्याची ऑर्डर त्याने विशाल कुलथे यांना दिली होती. त्यानुसार तयार झालेले दागिने दाखविण्यासाठी ज्ञानेश्वर याने कुलथे यांना २० मे रोजी सलूनच्या दुकानात बोलाविले होते. तिथे कुलथे यांचा ज्ञानेश्वरने इतर साथीदारांच्या मदतीने खून करून मूळगावी भातकूडगाव येथील चुलत्याच्या शेतात मृतदेह आणून पुरला होता, असे पोलीस निरीक्षक सिद्धार्थ माने यांनी सांगितले.

२० मे रोजी शिरूर कासार येथील सराफ विशाल कुलथे यांचे सायंकाळी सहाच्या सुमारास सोन्याचे दागिने दाखविण्याच्या बहाण्याने अपहरण करण्यात आल्याबाबतची तक्रार शिरूर कासार पोलीस ठाण्यात दाखल झाली होती. या घटनेचा तपास करताना पोलिसांनी गावातील सीसीटीव्ही कॅमेरे तपासले. यामध्ये दोन युवक कुलथे यांना दुचाकीवरून घेऊन जात असल्याचे दिसून आले होते. त्यानुसार पोलिसांनी शोध सुरू केला. त्यांच्यातील एक जण केतन संतोष लोमटे (रा. भातकूडगाव, ता. शेवगाव) हा असल्याचे निष्पन्न झाले. पोलिसांनी त्याला ताब्यात घेतले. त्याने गुन्ह्याची कबुली दिली आणि इतर साथीदारांची नावे तसेच कुलथे यांचा मृतदेह कुठे पुरला, याचा ठावठिकाणा सांगितला, असे माने यांनी सांगितले.

याप्रकरणी केतन लोमटे याला पोलिसांनी अटक केली आहे. ज्ञानेश्वर शिवाजी गायकवाड याचा पोलीस शोध घेत आहेत.

230521\img-20210523-wa0022.jpg

?????? ??????????? ????????? ????????? ??? ???????? ???????? ?????? ??????? ??????? ????? ??????? ????? ???????? ? ??????? ???? ??? ???????.