घरफोडी करून सोन्याचे दागिने लांबविले

..........

मोटरसायकल चोरली

अहमदनगर : शहरातील घुमरे गल्ली येथून चोरट्यांनी एक मोटरसायकल चोरून नेली. १९ मार्च रोजी सकाळी १० ते दुपारी २ या वेळेत ही चोरीची घटना घडली. याप्रकरणी कोतवाली पोलीस ठाण्यात बंडू किसन जाधव यांनी दिलेल्या फिर्यादीवरून चोरट्याविरोधात गुन्हा दाखल करण्यात आला आहे. याप्रकरणी पोलीस नाईक दुधाळ हे पुढील तपास करत आहेत.

...........

भाजी बाजारातून मोबाईल चोरला

अहमदनगर : नवनागापूर येथील सह्याद्री चौकातील भाजी बाजारातून चोरट्याने सहा हजार रुपये किमतीचा मोबाईल चोरून नेला. २० मार्च रोजी सायंकाळी साडेपाच वाजता ही घटना घडली. याप्रकरणी एमआयडीसी पोलीस ठाण्यात गणेश मच्छिंद्र खेडकर यांनी दिलेल्या फिर्यादीवरून गुन्हा दाखल करण्यात आला आहे. याप्रकरणी पोलीस नाईक शेख हे पुढील तपास करत आहेत.

.........

घरासमोरून म्हैस चोरली

अहमदनगर : शहरातील तपोवन रोडवरील सूर्यानगर येथील घरासमोरून चोरट्यांनी १७ हजार रुपये किमतीची म्हैस चोरून नेली. १८ ते १९ मार्च दरम्यान ही घटना घडली. याप्रकरणी तोफखाना पोलीस ठाण्यात मच्छिंद्र अंकुश रोकडे यांनी दिलेल्या फिर्यादीवरून अज्ञात चोरट्याविरुद्ध गुन्हा दाखल करण्यात आला आहे. याप्रकरणी पोलीस नाईक दीपक जाधव पुढील तपास करत आहेत.

..........

बांधकामाचे साहित्य चोरले

अहमदनगर : राहुरी बुद्रुक येथील पाण्याच्या टाकीजवळ असलेल्या घराजवळून चोरट्यांनी ४५ हजार रुपये किमतीचे बांधकाम साहित्य चोरून नेले. १८ ते १९ मार्च दरम्यान ही घटना घडली. याप्रकरणी राहुरी पोलीस ठाण्यात बबन माधवराव पानकर यांनी दिलेल्या फिर्यादीवरून राजू पोपट थोपडघलमल व लक्ष्मण हरिभाऊ पवार यांच्या विरोधात गुन्हा दाखल करण्यात आला आहे. याप्रकरणी पोलीस नाईक खंडागळे हे पुढील तपास करत आहेत. चोरट्यांनी सेंट्रींगच्या ५० प्लेटा ऑटोरिक्षामध्ये चोरून नेल्याचे फिर्यादीत म्हटले आहे.

...........