महिला दिन उपक्रमांनी साजरा

कोपरगाव : शहरातील नगरपालिका शाळा क्रमांक सहामध्ये ८ ते १२ मार्च महिला दिनानिमित्त विविध उपक्रमाने साजरा करण्यात आला. यात शाळेतील शिक्षिका व पालक यांनी सहभाग नोंदविला.

यावेळी सविता साळुंके यांनी राजमाता जिजाऊ, कल्पना निंबाळकर यांनी पुण्यश्लोक अहिल्याबाई होळकर, आरती कोरडकर यांनी सावित्रीबाई फुले, सुनीता इंगळे यांनी महाराणी येसुबाई, पालक शाहीन मनियार यांनी फातिमा शेख यांच्या व्यक्तिरेखा साकारल्या. शाळेत 'माझ्या आयुष्यातील प्रेरणादायी व्यक्तिमत्त्व ' या विषयावर आधारित वक्तृत्व स्पर्धेत इयत्ता पाचवीतील यश साळुंखे, कुणाल वाहुळकर, जावेद शेख यांनी आईविषयी प्रेरणादायी विचार मांडले. शाळेत अर्चना वाहूळकर, शाहीन मनियार या महिला पालक भगिनींचा ‘आदर्श माता’ म्हणून सर्व शिक्षकांच्या उपस्थितीत सत्कार करण्यात आला.