अहमदनगरच्या उच्चभ्रू वस्तीत सेक्स रॅकेटचा पर्दाफाश

सहाजण ताब्यात : परप्रांतीय मुलींकडून वेश्या व्यवसाय

अहमदनगर : शहरात सावेडी भागातील महावीरनगर येथील उच्चभ्रू वस्तीत (हाय प्रोफाईल) सेक्स रॅकेटचा पर्दाफाश करत तोफखाना पोलिसांनी तीन मुलींसह सहाजणांना ताब्यात घेतले आहे. येथे बंगल्यात एक महिला परप्रांतीय मुलींकडून वेश्याव्यवसाय करवून घेत होती. गुरूवारी रात्री साडेसातच्या सुमारास ही कारवाई करण्यात आली. 

सावेडी परिसरात नगर-मनमाड रोडवरील महावीरनगर ही उच्चभ्रू लोकांची वसाहत आहे. येथील एका बंगल्यात एक महिला अनेक दिवसांपासून परप्रांतीय मुलींकडून वेश्या व्यवसाय चालवत असल्याची माहिती खबºयाकडून पोलिसांना मिळाली. त्यानुसार गुरूवारी रात्री साडेसातच्या सुमारास पोलीस उपअधीक्षक संदीप मिटके, परिविक्षाधीन उपअधीक्षक पूनम पाटील, तोफखान्याचे पोलीस निरीक्षक संपत शिंदे, पोलीस उपनिरीक्षक रामेश्वरी पांढरे, पोलीस कर्मचारी मंगेश खरमाळे, राम सोनवणे, दीपक रोहोकले, शिरीष तरटे, महिला पोलीस कर्मचारी रोहिणी म्हणले, अंजली गुरु व इतर पोलीस कर्मचाºयांनी कुुंटणखान्यात बनावट ग्राहक पाठवून खातरजमा करत छापा टाकला.

यावेळी एक महिला बंगल्यामध्ये खालच्या व वरच्या मजल्यावर कुंटणखाना चालवताना आढळून आली. पोलिसांनी या कारवाईमध्ये तीन मुलींची सुटका केली असून त्यात दोन परप्रांतीय मुलींचा समावेश आहे. पोलिसांनी येथूून ग्राहक पुरवणारी महिला, तसेच ग्राहक संतोष अर्जुन भुजबळ (रा. माका, ता. नेवासा), भास्कर राजाराम ठोंबे (रा. साईनगर बोल्हेगाव) अशा तिघांना ताब्यात घेतले आहे. त्यांच्याविरुद्ध अनैतिक व्यापार प्रतिबंधक अधिनियम कलम ३,४,५,६ प्रमाणे पोलीस नाईक मंगेश खरमाळे यांच्या फिर्यादीवरून गुन्हा दाखल करण्यात आला आहे. पुढील तपास पोलीस निरीक्षक संपत शिंदे करीत आहेत.