विजेच्या धक्क्याने तरुणीचा मृत्यू : पोलीस वसाहतीमधील घटना

अहमदनगर पोलीस मुख्यालयातील वसाहतीत राहणा-या तरुणीचा विजेच्या धक्क्याने मृत्यू झाला. आज दुपारी एक वाजण्याच्या दरम्यान ही घटना घडली.

अहमदनगर : अहमदनगर पोलीस मुख्यालयातील वसाहतीत राहणा-या तरुणीचा विजेच्या धक्क्याने मृत्यू झाला. आज दुपारी एक वाजण्याच्या दरम्यान ही घटना घडली. पूजा सुनील कु-हे (वय-२२) असे मयत तरुणीचे नाव आहे.
हवालदार सुनील कु-हे हे आपल्या कुटुबासह पोलीस मुख्यालयातील वसाहतीत राहत आहेत. दोन दिवसांपुर्वी झालेल्या पावसामुळे त्यांच्या घरावरील पत्रे व भिंतींत वीजप्रवाह उतरला होता. दरम्यान आज दुपारी पूजा घरात असताना तिला विजेचा झटका बसला. कुटुंबियांनी तातडीने तिला रुग्णालयात हलविले. मात्र तिचा तत्त्पुर्वीच मृत्यू झाला. पूजा एमबीएचे शिक्षण घेत होती.